Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Республика башчысы Бәшшар Әсәд ҹәнаблары дүнән Вәгфләр Назирлиjинин Бөjүк Ислам Пеjғәмәбри, һәзрәти Муһәммәд ибн Әбдуллаһын (сәлләллаһу әлеjһи вә алиһ) милад баjрамы мүнасибәтиjлә Дәмәшгдә jерләшән әл Һәмд Мәсҹидиндә тәшкил етдиjи Мөвлуд Баjрамы мәрасиминдә иштирак едиб.
Мәрасимдә Президент Б. Әсад Суриjа Мүфтиси Шеjх Әбдүл Фәттаһ Бәзминин имамәтлиjи илә ахшам намазыны гылыб. Гурани Кәримдән аjәләрлә башлаjан дини мәрасимдә Вәгфләр Назири Мәһәммәд Әбдүл Сәттар әл Сеjид Мөвлуд Баjрамынын дәjәрләри һагда чыхыш едиб.
Бөjүк Ислам Пеjғәмбәри һәзрәти Муһәммәдин (сәлләллаһу әлеjһи вә алиһ) мүгәддәс дәвәтинә диггәт чәкән Назир Әбдүл Сәттар әл Сеjид, бу мүгәддәс дәвәтин ҝерчәк ганунларыны вурғулаjараг билдириб: “Бөjүк Ислам Пеjғәмбәринин мүгәддәс дәвәти рәһмәт, вәфа, гардашлыг, гадын һаггларына диггәтлә jанашмаг, әдаләт, jахшылыг, хеjр вә бәрабәрликлә бирликдә инсанларын ганларыны ахытмамаг тәмәлләринә сөjкәниб”.
Вәгфләр Назири Әбдүл Сәттар әл Сеjид, Бөjүк Ислам Пеjғәмбәри һәзрәти Муһәммәдин (сәлләллаһу әлеjһи вә алиһ) вә Ислам дининин фәргли ҝөрүш вә дүшүнҹәләрә саһиб олмасы сәбәбиjлә башгаларыны өлдүрән, тәкфир едән jа да онлара гаршы террор актлары тәшкил едәнләрин һәгиги Исламдан чох узаг олдуғуну ифадә едиб. О, һәмчинин вәтәнинә хәjанәт едәнләрин, jахуд вәтәни дағытмаг вә вәтәндашлары өлдүрмәк үчүн тәҹавүзкарлары ҝәтирәнләрин Ислам диниjлә һеч бир әлагәләри олмадығыны вурғулаjыб.
Аллаһ ады илә вәтәндашлары тәкфир едән, ҝүнаһсыз инсанлары гәтлә jетириб башларыны кәсән, инфраструктур вә хидмәт шәбәкәләрини саботе едәнләр, һа белә мәзһәб давамчыларыны тәкфир едәнләрин Уҹа Аллаһын гәзәбиндән хилас олмамыш өз араларында гаршыдурмаjа башладыгларыны диггәтә чәкән Сеjид, даһа сонра деjиб: “Бүтүн “бунларын” (админ: нәзәрдә террорчулар тутулур) мүхалифәт адландырмаларына бахмаjараг, бунлар Аллаһын әсил дүшмәнләридир”.
Вәгфләр Назири һәмчинин Суриjа халгынын вәһһабилики, тәкфирчилики, радикаллығы jаjмаға чалышанлар вә дүнjанын һәр jериндән тәкфирчиләри ҝәтирәнләрлә һеч бир әлагәси олмадығынын вурғулаjыб.
Ҹеневрә топлантысына ишарә едән Назири Әбдүл Сәттар әл Сеjид, Суриjа халгынын Президенти Бәшшар Әсәдин рәһбәрлиjиндә наһагг ганларын ахыдылмасына сон гоjулараг, jенидән абадлығ ишләринин апарылмасына диггәт чәкәрәк деjиб: “Дүнjанын бүтүн милләтләри Ҹеневредә топланса белә, нәһаjәт Суриjа халгынын истәкләри вә идеалларындан башга һеч бир шеj һәjата кечмәjәҹәкдир”.
Чыхышынын сонунда Вәгфләр Назири, Суриjа халгынын горунмасыjла jанашы Республика башчысы ҹәнаб Бәшшар Әсәдин мүвәффәгиjjәти, Суриjа Милли Ордусунун там зәфәр газанмасы үчүн Уҹа Аллаһа дуа едиб. Мөвлуд Баjрамы Шеjх Әһмәд Кефтаро Ассамблеjасынын Баш Инспектору Шеjх Мәһәммәд Шәриф әл Саввафын дуаларыjла сона чадыб.
Геjд едәк ки, Милад Баjрамы Мәрасиминдә Республика Президенти Бәшшар Әсәд илә бирликдә дөвләтин, сиjаси партиjаларын сәлаһиjjәтли нүмаjәндәләри, хеjли саjда Ислам үләмасы вә издиһамлы халг күтләси иштирак едиб.
Мәрасимин сонунда Республика башчысы Мәсҹиддән чыхаркән, мәрасимдә иштирак едән сәлаһиjjәтлиләр, дин адамлары вә вәтәндашлары тәбрик едәрәк, хош тәсүратлар илә аjрылыб.
Диггәт: Хәбәрдән истифадә етдикдә мәнбәjә истинад лазымдыр
