Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ираг Али Ислам Мәҹлисинин- парламентинин Спикери, Сеjjид Әммар Һәким, Ираг Дөвләтинин беjнәлхалг “әл-гаидә” террор тәшкилатына гаршы һазырладығы һәрби әмәлиjjатлара бүтүн ираглыларын дәстәк олмаларыны вурғулаjараг, билдириб: “Бу ҝүн, Ираг халгы, азғын тәкфирчи jараглы үнсүрләринә гаршы апарылан һәлл едиҹи вә бу тезликдә сона jетмәjән мүһарибәнин шаһидидирләр”.
Сеjjид Әммар Һәким даһа сонра деjиб: “Террорчулуг, Суриjанын Һәләб бөлҝәсиндән тутмуш Ирагын Фәллуҹә мәнтәгәсинә кими ҝенишләнмәкдәдир. Мәнтәгә әтрафындакы Әрәб өлкәләри билмәлидирләр ки, бу солғун террорчу ҝедишатын гаршысында сүкут ихтиjар етмәк, һеч заман онларын хеjринә тамамланмаjаҹагдыр.”
Ираг Али Ислам Мәҹлисинин- парламентинин Спикери, Ирагда мәзһәб гаршыдурмасы мәсәләсинин сона чатдығына ишарә едәрәк, Ираг халгынын бу имтаһандан үзү ағ чыхдығыны билдирәрәк, деjиб: “Бүтүн Дүнjа тезликлә Ирагда бәзи мәнтәгә өлкәләри вә кәшфиjjат органлары тәрәфиндән идарә олунан азғын террорчу һәракатларынын сона jетәҹәjинә вә Ираг Һөкүмәтинин бөjүк гәләбә газанаҹағына шаһид олаҹаг”.
Сеjjид Әммар Һәким даһа сонра Ираг Ордусуна хитаб едәрәк, билдириб: “Биз сизин илә һәмфикир вә террорчулуға гаршы мүбаризәдә ахырадәк варыг. Һәр заман лазым билсәниз, биз террорчулуға гаршы мүбаризәдә өн ҹәбһәдә дурмаға һазырыг”.
Диггәт: Хәбәрдән истифадә етдикдә мәнбәjә истинад лазымдыр
