Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Һиҹаб мәһбусу Тәрлан Ағададашовун сәһһәтиндә проблем jараныб. Бу һагда ачыглама верән вәкил Заман Сәмәдов деjиб ки, Тәрлан һәбс олунмаздан әввәл гараҹиjәриндә ехинакок хәстәлиjиндән әзиjjәт чәкиб. Артыг дуруму писләшиб, бәдәни шишиб. Хәстә мүалиҹә мүәссисәсинә көчүрүлмәлидир, тәҹили әмәлиjjата еһтиjаҹы вар. Бакы Истинтаг Тәҹридханасынын баш һәкими бизә билдириб ки, Пенитенсиар Хидмәт буна разылыг вермир, әмәлиjjаты зәрури һесаб етмир.
Хатырладаг ки, Исламчы мәһбус Тәрлан Ағададашов өтән ил октjабрын 5-и Бакыда, Тәһсил Назирлиjинин бинасы гаршысында үчүнҹү дәфә кечирилмиш “Һиҹаба Азадлыг” аксиjасына ҝөрә тәгсирли билиниб. Исламчы Мәһбус мөвҹуд әлиjевләр режими тәрәфиндән Ҹинаjәт Мәҹәлләсинин 315.2 (һакимиjjәт нүмаjәндәсинә гаршы мүгавимәт ҝөстәрмә вә jа зор тәтбиг етмә) вә 233-ҹү (иҹтимаи гаjданын позулмасына сәбәб олан һәрәкәтләри тәшкил етмә вә jа бу ҹүр һәрәкәтләрдә фәал иштирак етмә) маддәләри илә ШӘРЛӘНИЛӘРӘК Нәриманов Раjон Мәһкәмәсинин 22 апрел һөкмү илә 5 ил 6 аj мүддәтинә азадлыгдан мәһрум едилиб.
Диггәт: Хәбәрдән истифадә етдикдә мәнбәjә истинад лазымдыр
