Әһли Беjт (әлеjһимус сәлам) -АБНА- Хәбәр Аҝентлиjи- Кәрбәла һадисәсинин бөjүк бир фаҹиә олдуғу һеч кимә ҝизли деjл. Кәрбәла кәлмәси Әһли Беjт (әлеjһимус сәлам) ашигләри вә үмумиjjәтлә бүтүн азадә инсанларын гәлбиндә нә дәрәҹәдә гәм вә гүссә jаратдығыны кимсә инкар едә билмир. Кәрбәла һадисәсинин диҝәр бир фаҹиәси исә Сеjjиди Шүһәда Әба Әбдиллаһил Һүсеjн (әлеjһис сәлам) вә онунла бирликдә Шәһид олан улу инсанларын пак ҹәсәдләринин торпаға тапшырылмасыдыр ки, мөҹизәви шәкилдә Имам Зеjнул Абидин һәзрәти Сәҹҹадын (әлеjһис сәлам) Күфәдән Кәрбәлаjа “Теjjул Әрз” едәрәк дармадағын олмуш башсыз бәдәнләрин кимлиjинин танынмасы вә пак инсанларын пак шәхсиjәт тәрәфиндән торпаға тапшырылмасы үчүн ҝәлмәсидир...
Бу сәбәбдән дә һәр ил Кәрбәлада Имам ашигләри бу ҝүнү хүсуси издиһамла jад едәрәк символик олараг матәм сахлаjырлар. Бу ил дә 17 Ноjабр, 2013 тарихә тәсадүф едән Һиҹри Гәмәри тарихи илә Мәһәррәм аjынын 13-ҹү ҝүнү (Ашурадан үч ҝүн сонра) минләрлә Ираглы әзадар, Бәни Әсәд (Һүрр ибни Јәзид Риjаһинин Гәбиләси) таjфасы үнванында Кәрбәлаjа дахил олараг, әза мәрасимини геjд едибләр.
Әзадарлыг һеjәтинин үзвләри әлләриндә әза баjраглары, табутлар тутараг Кәрбәла Шәһидләринин дәфн мәрасиминин шәбиһин Кәрбәла шәһәринин шәрг мәнтәгәсиндән башлаjараг, Има Һүсеjн (әлеjһис сәлам) вә һәзрәти Әббасын (әлеjһис сәлам) пак һәрәминдә сона чатдырыблар.
Мәрасимдә һәмчинин Имам Һүсеjнин (әлеjһи сәлам) пак бәдәнинин һа белә Имам Сәҹҹадын (әлеjһи сәлам) пак бәдәнләри дәфн едән мәрасиминин шәбиһин чыхарыблар.
Диггәт: Хәбәрдән истифадә етдикдә мәнбәjә истинад лазымдыр
