Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, бу ҝүн Русиjа Хариҹи Ишләр Назирлиjи рәсми мәлумат jаjараг билдириб: “Русиjа Варшавада jерләшән Русиjа Федерасиjасы сәфирлиjинин бинасы өнүндә баш верән иғтишашлара ҝөрә, Полшадан рәсми үзр истәмәjи тәләб едир”.
Русиjа ХИН-ин мәлуматында билдирилир: “12 ноjабрда, Полша сәфири Заjончковски Русиjа ХИН-ә чағырылараг, билдирилиб ки, Русиjа Федерасиjасы 11 ноjабр һадисәси илә әлагәдар Полша һөкумәтиндән рәсми шәкилдә үзр истәмәjи вә Рус дипломатларынын фәалиjjәтини нормал шәраитдә тәмин едилмәсини тәләб едир”.
Билдирәк ки, өтән ҝүн ноjабрын 11-дә Варшавада Полшанын азадлығ ҝүнүнә һәср олунмуш jүрүш заманы, аксиjа иштиракчылары Русиjа сәфирлиjи гаршысындакы полис постуну дағыдыблар, бир нечә иргчи исә сәфирлиjин һәjәтинә дахил олмаға сәj ҝөстәрсә дә лакин гаршысы алыныб. Иғтишашчылар һәмчинин сәфирлиjин бинасына вә әтрафдакы әмлакларына даш, шүшә габларда аловлар jағдырараг бинаjа мадди зиjанлар ендирибләр.
Полша полиси һадисә илә бағлы 3 хулиганы сахлаjараг барәләриндә һәбс гәти имканы чыхарыб.
Диггәт: Хәбәрдән истифадә етдикдә мәнбәjә истинад лазымдыр
