Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, өтән ҝүн ноjабрын 6-да Али Мәһкәмә Мүбариз Руһани Абҝүл Сүлеjмановун шикаjәтинә бахыб.
Бу һагда ачыглама верән вәкил Ҹавад Ҹавадлы билдириб ки, Гарадағ Раjон Мәһкәмәсиндә Абҝүл Сүлеjмановун һәбсханаjа кечирилмәси илә бағлы гәрар гәбул едиләркән һеч бир арашдырма апарылмаjыб: “Ҹәзачәкмә мүәссисәси рәһбәрлиjинин тәгдиматында ҝөстәрилән һаллар мүбаһисәсиз факт кими гәбул едилмишди. Апеллjасиjа шикаjәтиндә биз мәсәлә галдырмышдыг ки, бахыш мәһкәмә истинтагы илә апарылсын. Бакы Апеллjасиjа мәһкәмәси шикаjәтимизи тәмин етмәмишди. Бу гәрардан шикаjәти вермишдик. Али Мәһкәмә бизим шикаjәтимизи әсаслы саjды”.
Хатырладаг ки, Мүбариз Руһани Абҝүл Сүлеjманов 2011-ҹи илин август аjында МТН-ин вәһшиҹәсинә һүҹумуна мәруз галараг һеч бир тутарлы дәлил олмадан һәбс олунуб. О, гондарма иттиһамларла 11 ил мүддәтинә азадлыгдан мәһрум едилиб. Бу ил Апрелин 24-дә Гарадағ Раjон Мәһкәмәси онун 6 аj мүддәтинә 13 саjлы Ҹәзачәкмә Мүәссисәсиндән Гобустан һәбсханасына көчүрүлмәси һаггында ганунсуз гәрар чыхарыб.
Диггәт: Хәбәрдән истифадә етдикдә мәнбәjә истинад лазымдыр
