Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, бу ҝүн Суриjа Милли Ордусу мүхтәлиф бөлҝәләрдә муздлу вә тәкфирчи террор групларына гаршы хүсуси тәjинатлы әмәлиjjатлары давам етдирәрк, бир чох террор jувасы вә онларла террористи дармадағын едиб.
Вәтән горуjуҹулары Дәмәшгин Берзи бөлҝәсиндә Мәтбәә Ҹәмиjjәт Тәшкилаты вә Тәлим-Тәрбиjjә каналы биналарында топлашан азғын сәләфи террорчуларын бир чохуну өлү, галанларыны исә jаралы салараг биналары там нәзарәт алтына кечириб.
Һәрби гаjнаглардан верилән мәлуматда исә, Суриjа Милли Ордусу әмәлиjjатлар заманы террорчулара аид бөjүк бир тунел ашкарлаjыб. Тунелин бир чох каналлары олдуғу вә камера системиjлә тәҹһиз едилдиjи геjд олунур.
Гаjнаг даһа сонра билдириб: “Суриjа Милли Ордусу, Дәмәшг әтрафында, Һәвш Әрәб бөлҝәсинин ҹәнубунда, Саһлы мәнтәгәсинин шималында, Ҹәраҹир раjонун ҹәнуб-шәрги вә Јәбруд бөлҝәсинин шималында, һа белә Әдра бөлҝәләриндә чох саjда террор jувалары вә ҝизли гәрарҝаһлары дахилиндәки сүрсатлар илә бирҝә дармадағын едиб.
Диггәт: Хәбәрдән истифадә етдикдә мәнбәjә истинад лазымдыр
