Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Москвада азәрбаjҹанлылара мәхсус “Причал” кафесинә силаһлы басгын олуб. Һадисә Москванын ҹәнуб-шәргиндә, Братjево раjонунда баш вериб. Басгын заманы кафенин залларындан бириндә тоj мәрасими кечирилирмиш. Полис видеомүшаһидә камераларындан ҝөтүрүлмүш ҝөрүнтүләр әсасында баш верән һадисәнин тәфәррүатларыны мүәjjәнләшдирә билиб. Силаһлы басгынын гафгазлылар тәрәфиндән едилдиjи билдирилир. Басгын заманы дөjүлән, әл вә баш наһиjәсиндән jараланан шәхсин дә миллиjjәтҹә азәрбаjҹанлы олдуғу, кафедә инзибатчы ишләдиjи геjд олунур.
Камера ҝөрүнтүләриндән мәлум олур ки, кафеjә сохулан онларла шәхс инзибатчыны тутараг дөjмәjә башлаjыр вә ондан һансыса мәлуматы тәләб едирләр. Басгын едәнләрин конкрет шәхси ахтардығы ҝүман едилир. Һәмин адамы тапа билмәjән басгынчылар әтрафда һәр шеjи дағытмаға, залдакы адамлары горхутмаға башлаjыблар. Даһа сонра һаваjа бир нечә дәфә атәш ачылыб. Кафеjә сохуланлар даһа сонра ағ рәнҝли “ВАЗ-2114”, гара рәнҝли “Лада-Приора” вә “Мерседес-МЛ” маркалы машынларла һадисә jерини тәрк едибләр. Дөjүлән азәрбаjҹанлы инзибатчы тибби jардым үчүн хәстәханаjа ҝетмәкдән имтина едиб. Кафенин саһиби исә силаһлы шәхсләрин кафеjә басгын етмәсинин сәбәбләрини билмәдиjини деjиб. Фактла бағлы арашдырма апарылыр.
Диггәт: Хәбәрдән истифадә етдикдә мәнбәjә истинад лазымдыр
