Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Октjабрын 8-дә Нәриманов Раjон Мәһкәмәсиндә дини фәал Наһид Гәһрәмановун мәһкәмә просеси кечирилмәли иди. Амма дөвләт иттиһамчысы мәһкәмәдә иштирак етмәдиjинә ҝөрә просес тәхирә дүшүб. Мәлуматы “Медиа форум” саjтына вәкил Бәхтиjар Һаҹыjев вериб.
Нөвбәти просес октjабрын 18-нә тәjин едилиб.
Наһид Гәһрәманов 2012-ҹи ил октjабрын 5-и Бакыда, Тәһсил Назирлиjинин бинасы гаршысында кечирилмиш “Һиҹаба азадлыг” аксиjасына ҝөрә тутулуб. О, Ҹинаjәт Мәҹәлләсинин 315.2 (һакимиjjәт нүмаjәндәсинә гаршы мүгавимәт ҝөстәрмә вә jа зор тәтбиг етмә) вә 233-ҹү (иҹтимаи гаjданын позулмасына сәбәб олан һәрәкәтләри тәшкил етмә вә jа бу ҹүр һәрәкәтләрдә фәал иштирак етмә) маддәләри илә ШӘРЛӘНИЛИР.
Хатырладаг ки, һәмин аксиjаjа ҝөрә 35 нәфәр азадлыгдан мәһрум едилиб. Һәбс едиләркән Наһид Гәһрәмановун үстүндә 17 мин АБШ доллары олуб. Пулун һарадан ҝәлдиjи истинтагда дәгигләшдирилиб. Наһид Гәһрәманов һәбс олунмамышдан әввәл аиләсинә мәхсус торпаг саһәсини сатыбмыш.
Диггәт: Хәбәрдән истифадә етдикдә мәнбәjә истинад лазымдыр
