Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Јәмәнин Паjтахты Сәна шәһәриндә jерләшән гәдим вә тарихи “Сәна Мәсҹиди”ндә ЈУНЕСҸО беjнәлхалг тәшкилатынын көмәклиjи, һәмчинин Археолоҝиjа, Палеонтолоҝиjа вә Гравүра үзрә танынмыш бир груп мүтәхәссисләр тәрәфиндән jенидәнгурма ишлләри апарылыр.
Белә ки, jенидән гурма ишләри апарыларкән, Мәсҹидин jерләшдиjи мәкандан Һиҹри Гәмәри тарихинин биринҹи әсринә тәсадүф едән Һиҹаз хәтти илә jазылмыш ән гәдими Гурани Кәрим тапылыб.
Геjд едәк ки, jенидәнгурма ишләринә башчылыг едән мәсуллар, Мәсҹидин арха диварларында jерләшдирилмиш гәдим әшjалары кәшф етмәк үчүн, ән мүасир аваданлыглардан вә Х-шүаларындан (Икс шуалары) истифадә едибләр.
Ахтарыш заманы мүтәхәссисләр, бир сыра гәдим әшjалар, о ҹүмләдән Гурани Кәрим, тахта вә даш үзәриндә jазылмыш jазылар кәшф едибләр.
Билдирәк ки, тапылмыш тарихи әшjалар, Гәмдан тарихи сараjына мәхсусдур ки, Сәна Мәсҹидинин бир гисми дә бу сараjын галыглары үзәриндә тикиләрәк бина олунубмуш.
Диггәт: Хәбәрдән истифадә етдикдә мәнбәjә истинад лазымдыр
