Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Франсада радикал милләтчиләр, “Һаутос Де Сен” мәнтәгәсиндә jерләшән Мәсҹидә һүҹум чәкәрәк, онун дивар вә гапыларына нәҹис jахмагла, Аллаһ Евинә гаршы, тарихин ҝөрүнмәмиш тәһгирини һәjата кечирибләр.
Геjд олунан түркүрпәдиҹи һадисә, еjни заманда Франса тарихиндә иргчиләрин Мүсәлманлара гаршы һәjата кечирдикләри ән дәһшәтли вә чиркин бир әмәл саjылыр...
Јаддашларда әбәди олараг һәкк олан бу jарамаз һадисә, “Һаутос Де Сен” мәнтәгәсиндә jашаjан Мүсәлманларын ҹидди етиразына сәбәб олуб. Мүслманлар етираз аксиjалары кечирәрәк, дөвләт органларындан тез бир заманда ҹинаjәткарлары jахалаjараг, ҹәзаландырмаларыны тәләб едибләр.
Хатырладаг ки, артыг бир нечә мүддәтдир ки, авропанын мүхтәлиф өлкәләриндә олдуғу кими Франсада да анти-Ислам сиjасәтләр сәнҝимәк билмир. Белә ки, геjд олунан дәһшәтли һадисәдән өнҹә, Франса шәһәрләринин бәләдиjjәләриндән бири, өлкәдә мөвҹуд олан бүтүн Мәсҹидләрин бағланмасыны тәләб едәрәк, Мүсәлманлара гаршы дүшмәнчиликини ҝизләтмәмишдир...
Диггәт: Хәбәрдән истифадә етдикдә мәнбәjә истинад лазымдыр
