Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Президенти Бәшшар Әсәд ҹәнаблары, Русиjанын Известиjа гәзетинә вердиjи мүсаһибәдә, Суриjанын мүбаризә етдиjи групларын бөjүк әксәриjjәтинин әл-Гаидә идеjасыны дашыjан тәкфирчи груплар олдуғуну, кичик бир һиссәсинин исә ганун позунтуларындан меjдана ҝәлдиjини билдирәрәк "террорчуларын атәш ачдыглары һәр бир jердә террорчулары амансызҹасына вураҹағыг" деjә билдириб.
Русиjанын АБШ вә Авропа Бирлиjи илә Суриjа мөвзусунда шиддәтлә гаршы-гаршыjа олдуғу вә бу мөвзуда мөвҹуд мүнасибәтләрин дәjишдирилмә еһтималы илә бағлы суалы ҹавабландыран Президент Бәшшар Әсәд ачыглаjыб: “Суриjа вә Русиjа арасындакы әлагәләрә jалныз бөһран дахилиндә бахылмамасы лазымдыр.”
Ҹәнаб Бәшшар Әсәд, ики өлкә арасындакы әлагәләрин бөһран просесиндән даһа өнҹә ҝениш олдуғуну вурғулаjараг, Суриjа проблеминин Русиjанын бир һиссәси олдуғуну ифадә едиб.
АБШ-ын, Советләр Бирлиjинин сүгутундан сонра Русиjанын әбәди олараг сиjаси сәһнәдән ҝетмәсини дүшүндүjүнә ишарә едән Президент Әсәд деjиб: “Лакин Путинин рәһбәрлиjә ҝәлишиндән сонра, Русиjа jаваш-jаваш сиjаси гүдрәтини топламаға башлады вә ики өлкә (АБШ вә Русиjа) арасында алтдан-алта соjуг мүһарибә тәкрар башлады.”
Бәшшар Әсәд ҹәнаблары даһа сонра деjиб: “АБШ дүнjанын бир чох бөлҝәсиндә Русиjанын апардығы миссиjасына сон гоjмағы һәдәфдә тутуб. Индики вахтда, Суриjа мөвзусунун да бу чәрчивәдә олдуғуну дүшүнүрүк.”
Диггәт: Хәбәрдән истифадә етдикдә мәнбәjә истинад лазымдыр
