Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, бу ҝүн 3 Август 2013 тарих, Теһран вахты илә 17:00 радәләриндә Үмүмдүнја Мүсәлмалраынын Али Лидери Сејид Әли Хаменеји ҹәнаблары ҹари илин ијун ајында өлкәдә кечирилән президент сечкиләриндә галиб ҝәлмиш Һөҹҹәтүл Ислам Доктор Һәсән Руһанини президент вәзифәсинә тәјин олунмасыны тәсдигләди.
Теһранда јерли вахтла саат 17:00-да башлајан мәрасимдә Һөҹҹәтүл Ислам Һәсән Руһани Имам Хаменеи тәрәфиндән президентлик вәзифәсинә тәјин олунмасы тәсдигләдикдән сонра, рәсмән Иран Ислам Республикасынын Президенти вәзифәсиндә Доктор Маһмуд Әһмәди Нежады әвәз етди. Бундан сонра о артыг рәсми олараг өлкәни дөрд ил әрзиндә идарә етмәјә башлајаҹаг.
Гејд едәк ки, августун 4-дә исә Һәсән Руһани Ислам Шурасы Мәҹлиси-парламенти гаршысында анд ичәҹәк. Мәрасимдә 11 өлкәнин президентләри, онларла парламент сәдрләри, хариҹи ишләр назирләри вә витсе-президентләри иштирак едәҹәк. Азәрбајҹандан мәрасимдә Милли Мәҹлис сәдри Огтај Әсәдов иштирак едәҹәк.
Билдирәк ки, ијунун 14-дә кечирилән сечкиләрдә Һ.Руһани 50.71 фаиз јығараг президент сечилиб.
Диггәт: Хәбәрдән истифадә етдикдә мәнбәјә истинад лазымдыр
