Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән өзүнү дүнјанын демократија мәркәзи билән авропада Мүсәлманлар бирд аһа һәдәфә алыныб. Белә ки, ики һәфтә өнҹә Инҝилтәрәнин Типтон шәһәриндәки Мәсҹидин јахынлығында ҝүҹлү партлајыш баш вериб.
Мәлумата ҝөрә, партлајыш баш верәркән јерли Мүсәлманлар ибадәт үчүн Мәсҹидә ахышырдылар, лакин полис онлары ҝери гајтарыб.
Бомба партлајышы нәртиҹәсиндә әтрафа чох сајда мисмар сәпәләниб, јахынлыгдакы евләрин вә машынларын пәнҹәрәләри сыныб.
Британијада белә бомбалара, “мисмар бомбасы” дејилир, чүнки онларын ичәрисинә даһа чох тәләфат төрәтмәси үчүн мисмар долдурулур.
Типтондакы Кәнзүл-Иман Мәсҹиди јахынлығында баш вермиш партлајышдан бир һәфтә әввәл Инҝилтәрәнин Волсол шәһәриндәки Аишә Мәсҹиди јахынлығында да партладыҹы гурғу тапылмышды.
Бомба ашкар едиләндән сонра әтрафдакы сакинләр евакуасија едилмиш вә партлајыш јалныз бундан сонра баш вермишди.
Бәзи тәһлилчиләрин рәјинә әсасән, Типтон Мәсҹиди јахынлығында баш верән партлајыш хрстиан вә јәһуди сионистләри тәрәфиндән төрәдилдији чох еһтимал олунур. Она ҝөрә ки, гејд олунан террор һадисәси өтән ај башы кәсиләрәк өлдүрүлмүш Британија әсҝәри Ли Ригбинин дәфни илә ејни ҝүнә тәсадүф едиб.
Бир сыра мүшаһидәчиләр дә өз нөвбәсиндә Британија бојунҹа Мәсчидләрә һүҹумлары гисас акты кими гијмәтләндирирләр.
Гејд едәк ки, һадисәни Инҝилтәрәнин анти-террор полиси арашдырыр. Һадисә илә әлагәдар 75 јашлы бир киши һәбс едилиб.
Диггәт: Хәбәрдән истифадә етдикдә мәнбәјә истинад лазымдыр
