Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән һәбсдә олан Исламчы блогчу Рәшад Рамазановун вәкили онун сахландығы Бакы Истинтаг Тәҹридханасынын рәисинә мүраҹиәт едиб.
Бу һаггда вәкил Рөвшән Ширәлијев вериб: “Рәшад 2010-ҹу илдән вәрәм хәстәсидир. Үстәлик, онда кәскин үрәк вә мәдә ағрылары олур. Тәҹридхананын рәисинә әризә илә мүраҹиәт етмишәм ки, Рәшад һәртәрәфли тибби мүајинәдән кечирилсин вә тибби-санитар һиссәјә көчүрүлсүн”.
Вәкил билдириб ки, Исламчы мәһбус Рәшад Рамазановун наркотик истифадәчиси олуб-олмадығыны мүәјјән етмәк үчүн ҝөтүрүлән ган анализләринин ҹавабы ијулун 19-да билинәҹәк.
Хатырладаг ки, Исламчы блогчу Рәшад Рамазанову (Рәшад Һәгигәт Ағәддин) мајын 9-да Дахили Ишләр Назирлијинин Баш Мүтәшәккил Ҹинајәткарлыгла Мүбаризә Идарәси сахлајыб. Әнәнәви олараг Она Ҹинајәт Мәҹәлләсинин 234.4.3-ҹү (ганунсуз олараг күлли мигдарда наркотик васитәләри сахламаг вә сатмаг) маддәси илә ШӘРЛӘНӘРӘК иттиһам олунуб. Исламчы блогчу һаггында 3 ајлыг һәбс гәтимкан тәдбири сечилиб.
Диггәт: Хәбәрдән истифадә етдикдә мәнбәјә истинад лазымдыр
