Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Бакы Истинтаг Тәҹридханасында сахланан Исламчы фәал, журналист Ниҹат Әлијев барәсиндә мәһкәмә-тибб јохланылышы кечирилиб.
Мәһкум Исламчынын вәкили Абил Бајрамов бу һагда билдириб ки, експертиза ијулун 15-дә онун иштиракы илә баш тутуб: “Ниҹат Әлијев Мәһкәмә-Тибб Јохлама вә Патоложи Анатомија Бирлијиндә експертиза олунду. Һәм хариҹи хәсарәтләр, һәм дә дахили органларла бағлы мүајинә апарылды. Тибб Јохламасына әсасән хариҹи хәсарәтләрлә бағлы мүшаһидә апарды вә гејд етди ки, һәгигәтән дә Ниҹатын буд вә чәнә наһијәсиндә хәсарәт изи, додағында чапыг јери галыб. Дахили органларында һеч бир проблем мүәјјән едилмәди. Бу фактлар гејд олунду. Амма експерт рәјинин неҹә олаҹағыны һәләлик демәк чәтиндир. Мәсәлә орасындадыр ки, јохлама һәмин хәсарәтләрин өтән ил мајын 20-25-дә јетирилдијини мүәјјән етмәлидир. Ниҹат Әлијевә ишҝәнҹәләр верилмәсиндән артыг 14 ај кечиб. Бу мүддәт әрзиндә һәлә дә хәсарәт изләринин галмасы тутулан заман она ҹидди ишҝәнҹәләрин верилдијини сүбут едир”.
Билдирәк ки, Исламчы журналист Ниҹат Әлијевлә бағлы мәһкәмә-тибб јохланылышы онун мүдафиәчиләринин Бакы Ағыр Ҹинајәтләр Мәһкәмәсиндә вердији вәсатәтә әсасән кечирилиб.
Исламчы журналист Бакы Ағыр Ҹинајәтләр Мәһкәмәсиндәки мәһкәмә просеси заманы тутуланда она ағыр ишҝәнҹәләр верилдијини, ҹидди хәсарәт алдығыны демишди.
Хатырладаг ки, өтән ил мајын 20-дә Бәднам “евровисион 2012” фәсад мүсабигәси заманы тутулан исламчы журналист, әнәнәви олараг мөвҹуд режим тәрәфиндән “ганунсуз наркотик васитә сахламада; габагҹадан әлбир олан бир груп шәхс вә ја мүтәшәккил дәстә тәрәфиндән мүвафиг разылыг олмадан дини тәјинатлы әдәбијјаты, әшјалары вә дини мәзмунлу башга мәлумат материалларыны истеһсал етмә, сатыш вә ја јајма мәгсәди илә идхал етмә, сатма вә ја јајмада; бир груп шәхс тәрәфиндән һакимијјәтин зорла әлә кечирилмәсинә, зорла сахланылмасына вә ја Азәрбајҹан Республикасынын конститусија гурулушунун зорла дәјишдирилмәсинә вә ја әрази бүтөвлүјүнүн парчаланмасына јөнәлән ачыг чағырышларда; мүтәшәккил дәстә тәрәфиндән милли, ирги, сосиал вә ја дини нифрәт вә дүшмәнчилијин салынмасына, милли ләјагәтин алчалдылмасына, һабелә милли, ирги вә ја дини мәнсубијјәтиндән асылы олараг вәтәндашларын һүгугларынын мәһдудлашдырылмасына вә ја үстүнлүкләринин мүәјјән едилмәсинә јөнәлән һәрәкәтләрлә” ШӘРЛӘНӘРӘК иттиһам олунур.
Диггәт: Хәбәрдән истифадә етдикдә мәнбәјә истинад лазымдыр
