Әһли Бејт (әлејһимус сәлам) -АБНА- Хәбәр Аҝентлији- Достун тәсиринин нәзәрә алараг, ислам ләјагәтсиз адамларла јолдашлыгдан чәкиндирир вә мәрифәтли адамларла јолдашлығы төвсијә едир. Јолдашлығын мәнфи вә ја мүсбәт тәсириндән, хүсуси илә бу јолдашлыг узун сүрдүкдә, инсан өз әгидәсини дәјишә биләр. Ахирәт дүнјасында һәгигәтләр үзә чыхаркән достларын азғынлыға чәкдији адамлар әзаба дүчар олар вә арзу едәрләр ки, каш ҝүнаһкарларла јолдашлыг етмәјәјдиләр. «Вај һалыма, каш филанкәси өзүмә јолдаш етмәјәјдим». Һәзрәт Пејғәмбәрдән (с) нәгл олунуб ки, инсан өз дост вә јолдашларынын дининдә, мәсләкиндәдир .
Гејд едилдији кими ушагларын вә ҝәнҹләрин мәнәвијјатында достларын ролу бөјүкдүр. Онларын руһу ләтиф олдуғундан тәсир алтына тез дүшүр. Она ҝөрә дә ушағын достларына диггәт јетирилмәлидир. Күчәјә, мәктәбә јола салынан ушаға баша салынмалыдыр ки, ләјагәтсиз адамларла јолдашлыг етмәк олмаз. Дини тәрбијә үсуллардан хәбәрдар аиләдә бөјүмүш ушаг вә ҝәнҹ ҹәмијјәтә чыхыб, позғун адамларла әлагәдә олдугда бүтүн дәјәрләри унудуб, ҝүнаһа рәғбәтләнир.
Бәли, ушаглар вә ҹаванлар даим бу тәһлүкә илә үзбәүздүрләр. Бу саһәдә валидејнләрин вәзифәси чох ағырдыр. Ушағын јолдашлары тәһгиг олунмалы, дини вә әхлаги ҹәһәтдән мүсбәт ушагларла јолдашлыға иҹазә верилмәлидир. Өвладлар пусгуда дајанмыш «Шәјјад» тәләсиндән горунмалыдырлар.
Һәбибуллаһ Әһмәди
Диггәт: Хәбәрдән истифадә етдикдә мәнбәјә истинад лазымдыр
