Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, бу ҝүн 24 ијун 2013 тарихдә, Әфганыстан дөвләтинин Талибан јараглыларына гаршы Гәјур әјаләтиндә апардығы “Тондәр 2” әмәлијјаты, артыг старт верилиб.
Гәјур әјаләтинин полис рәиси Дилавәр Шаһ Дилавәр бу һаггда билдириб: “Бу ҝүн јараглылар әлејһинә тәјин олунмуш хүсуси әмәлијјат артыг башланыб... Силаһлы Гүввәләрин әсас һәдәфи Гәјур әјаләтинин мәркәзи Чәғчәран шәһәринин әтраф рајонларындан олан Мәрғаб шәһәридир...”
Полис рәисинин билдирдијинә ҝөрә, талибан јараглылары, өлкәнин ҹәнуб рајонларындан олан Һилмәнд рајонундан Гәјур әјаләтинә сохулараг, бурада иғтишаш јаратмаг мәгсәдләри ҝүдүрләр.
Дилавәр Шаһ Дилавәр даһа сонра билдириб: “Биз гејд олунан мәнтәгәдә, сабитлики тәмин етмәк мәгсәди илә, ев бә ев ҝәзәрәк тәһлүкәсизлики тәмин едәҹәјик...”
Билдирәк ки, әмәлијјат башланан андан 11 талибан јараглы мәһв едиләрәк, даһа 4 јараглы исә ағыр јараланыб. Дөвләт гуллугчуларындан исә, 1 полис әмәкдашы вә 1 Силаһлы Гүввәләрин гуллугчусу јараланыб.
Диггәт: Хәбәрдән истифадә етдикдә мәнбәјә истинад лазымдыр
