Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Сурија ордусунун јүксәк рүтбәли һәрбчиси Ајһам Әбдүлрәһман илә “Јени хәбәр” гәзетинин ексклүзив мүсаһибә вериб. Мүсаһибәнин зијарәтчиләримизә тәгдим едирик:
- Әссаламу әлејкум, ҹәнаб Әбдүлрәһман. “Јени хәбәр” гәзетинә мүсаһибә вермәјә разылашдығыныз үчүн тәшәккүр едирәм.
- Вә әлејкумә әссалам. Дәјмәз, әзиз гардашым. Фүрсәтдән истифадә едиб, азәрбајҹанлы баҹы-гардашларымы саламлајырам.
- Мәни узун мүддәт бир суал дүшүндүрүр: мәлум олдуғу кими, Бәшәр Әсәдә гаршы вурушан силаһлы мүхалифләрин әксәријјәти сөздә "исламчылардыр". Лакин һәм телевизијадан ҝөрдүкләримә, һәм дә Суријада јашајан танышларымын дедикләринә ҝөрә, Суријада һәр һансы дини мәһдудијјәтләр јохдур. Әксинә, орада дини тәһсил алмаг үчүн хариҹи өлкәләрдән тәләбәләр ҝәлирләр вә Сурија дөвләти һесабына охујурлар. Әсәд өзү дә ҹүмә намазларында иштирак едир, диҝәр дини ваҹибатлары да әнҹам едир, бир сөзлә она верилән "кафир" образына һеч дә ујғун ҝәлмир.
Беләдә суал јараныр: "исламчылар" нијә Әсәддән наразыдырлар? Үмумијјәтлә, мәнә бәзән елә ҝәлир ки, әсл ҹиһады онлар јох, елә Әсәдин өзү апарыр.
- Сизә дүзҝүн ҝәлир. Әсәд өлкәни дүнјәви ганунларла идарә етдијинә рәғмән ејни заманда диндар бир адамдыр. Лакин о Исламы олдуғу кими баша дүшүр. Онунчүн Ислам илк нөвбәдә сүлһ вә барыш динидир. Вә һәгигәтән дә бу беләдир. Пејғәмбәримиз бујурмушдур ки, "Бирҹә нәфәри өлдүрмүш шәхс бүтүн бәшәријјәти өлдүрмүш кимидир." Бу ҹәһәтдән Аллаһын вә Онун рәсулунун бир нөмрәли дүшмәнләри елә өзләрини "исламчы" адландыран террорчулардыр. Јадымдадыр Дәмәшгин јахынлығында ҝедән бир дөјүшдә террорчулар мәсҹиддә ҝизләнәрәк, орадан бизә атәш ачырдылар. Һансы нормал мүсәлман Аллаһын евинә бу ҹүр һөрмәтсизлик едәр? Амма әҝәр биз ҹаваб атәши ачсајдыг, онлар бүтүн дүнјаја һајкүј салараг, дејәрдиләр ки, “Бахын, кафир Әсәд ордусу мәсҹиди дағыдыр!” Јахшы ки, онларын бу чиркин әмәлини ифша едән видео интернетдә јајылыб, әкс һалда нәјисә сүбут етмәк чәтин оларды. ЈоуТубе-дә “التضامن - الحر اشتباكات عنيفة مع الجيش الاسدي” јазыб, изләјә биләрсиниз.
- Сизҹә онларын бу әмәлләри архасында һансы гүввәләр дајаныр?
- Тәбии ки Гәрб. Америка вә онун мүттәфигләри диҝәр өлкәләрин дахили ишләринә етдикләри мүдахиләләрә бәраәт газандырмаг үчүн мәһз бу ҹүр вәһши “Ислам”ын игтидарда олмасыны истәјирләр. Бунунла да онлар демәк истәјирләр ки, “Бахын, бу вәһшиләр бир-бириләрини доғрајыр вә башларыны кәсир, она ҝөрә ҝәрәк биз мәдәни вә демократик инсанлар мүдахилә едәк вә онлары хилас едәк.” Мәһз бу јолла узун илләрдир ки, мүсәлман өлкәләринин нефти, газы вә диҝәр јералты сәрвәтләри талан едилир вә бу дүнја бирлији гаршысында мүсәлманларын “вәһши” олмағы илә әсасландырылыр. Бизлә вурушан террорчулар да өз нагис ағлы илә дәрк етмирләр ки, Гәрбин әлиндә ојунҹаға чеврилибләр. Вә онлардан АБШ-нын ирадәсинә "јох" дејә биләҹәк бүтүн өлкәләри дағытмаг үчүн садәҹә истифадә едирләр.
- Мүәммәр Гәддафинин өлдүрүлмәсиндән сонра чохлары ејни агибәти Әсәд үчүн дә прогнозлашдырырдылар. Артыг бир илдән чох мүддәт кечиб, лакин Әсәд јенә дә һөкумәт башындадыр. Сизҹә о ахыра гәдәр таб ҝәтирәрәк, сонда гәләбә газана биләр?
- Ахыра гәдәр таб ҝәтирәр вә гәләбә газанар! Чүнки онун архасында ҝүҹлү орду вә ән әсасы халг дајаныр. Сурија ордусу индијә кими өз потенсиалынын 10%-ни белә истифадә етмәјиб. Лакин Аллаһ еләмәсин НАТО-нун һәрби мүдахиләси башласа, бүтүн дүнја ордумузун реал ҝүҹүнү ҝөрәҹәк. Америка мүдахиләнин олаҹағы тәгдириндә нәләрин баш верәҹәјини һамыдан јахшы баша дүшүр, она ҝөрә дә өзү сохулмаға ҹүрәт етмәјәрәк, нөкәрләрини бизә гаршы ҝөндәрир. Террорчулуғу дәстәкләјән әрәб өлкәләринин пајтахтларыны бомбаламағы тәләб едән суријалы коммандирләринин сәсләри артыг ҝүнү-ҝүндән даһа ајдын ешидилир. Онлары бу аддымдан сахлајан јеҝанә шәхс али баш коммандан Бәшәр Әсәддир. Лакин онун да сәбри түкәнмәз дејил.
- Гәрбин Әсәди девирмәкдә әсас мәгсәди нәдир?
- Онлар мүгавимәт өлкәләрини – Суријаны, Ираны вә Ҹәнуби Ливаны чөкдүрмәк истәјирләр. Лакин бу онларда алынмајаҹаг. Фикир вер, мүнагишәнин артыг ики илә јахын давам етмәсинә рәғмән Сурија ајаг үстүндә мөһкәм дурур, инсанлар вахты-вахтында маашлар алыр, мағазаларда бүтүн лазыми мәһсуллар вар, әрзаг еһтијаты он өлкәјә белә кифајәт еләјәр, јерли валјута өз курсуну сахлајыр, ушаглар мәктәбләрә, бөјүкләр исә ишә ҝедирләр. Һансы өлкә бу гәдәр таб ҝәтирәрди? Бизим даһа нечә вахт дајанаҹағымызы јалныз Аллаһ билир. Онлар өлкәмизин санксијалар нәтиҹәсиндә чөкәҹәјинә үмид едирдиләр, лакин бу баш вермәди вә артыг онлар өзләри әзијјәт чәкирләр. Мәнҹә онлар биздән тез дағылаҹаглар.
- Азәрбајҹанда бир чох инсан Сурија мүнагишәсинә ҝөрә наратчылыг кечирир. Һәтта өлкәмиздән ораја дөвләт тәрәфиндә вурушмаг үчүн ҝетмәк истәјән инсанларын мөвҹудлуғу барәдә шаијәләр дә ҝәзир. Бу һаггында нә дејә биләрсиниз?
- Јох, буна еһтијаҹ јохдур. Сурија ордусу өзү дә кифајәт гәдәр ҝүҹлүдүр. Биз дүшмәнләримиздән фәргли олараг муздлулардан истифадә етмирик. Амма һәр һалда бизи дәстәкләјән азәрбаҹанлылара миннәтдралығымызы билдиририк. Сағ олсунлар. Лакин сиз өз өлкәнизә даһа чох лазымсыныз. Диггәтли олмағыныз ҝәрәкдир. Чүнки Азәрбајҹанда да радикал сәләфилик тәһлүкәси баш галдырыр.
- Бәли, доғрудур.
- Сәудијјә Әрәбистаны вә Гәтәр Гафгазда, о ҹүмләдән дә өлкәниздә сәләфилији јајмаг үчүн бөјүк пуллар хәрҹләјирләр. Иншаллаһ Әсәдин мүнагишәдә галиб ҝәлмәси онларын гәбрләринә сон мисмары вураҹаг. Онлар карт еви кими дағылаҹаглар. Чүнки пул һәр шеји һәлл етмир вә нә вахтса гуртараҹаг.
- Мараглы сөһбәт үчүн тәшәккүр едирәм. Аллаһ Сурија халгынын вә шәхсән сизин јардымчысы олсун.
- Амин. Өзүнүздән муғајат олун.
А. Мәммәдов
Диггәт: Хәбәрдән истифадә етдикдә мәнбәјә истинад лазымдыр
