Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән 4 ијун 2013 тарих, Ислам Ингилабынын Баниси Имам Хомејни (р) һәзрәтләринин реһләт етдији ҝүндүр. Бу бөјүк тарихи ҝүн илә әлагәдар, Иран Ислам Республикасында олдуғу кими, бүтүн дүнјада да, Ислам Ингилабынын ашигләри, әзәмәтли ҝүнү гејд етмәк мәгсәди илә, Имам Хомејни һәзрәтләринин һәрәминдә топлашараг, бејәтләрини јениләјирләр...
Гум әјаләти үзрә Ислам Тәблиғатынын Әлагәләндирмә Шөбәсинин Сәдри ҹәнаб Нәсруллаһ Лүтфи, Тәглид Мәрҹәси, Ајәтуллаһ Гургани илә, ҝөрүшүндә бу ил кечириләҹәк мәрасимин програмы һаггда мәрузә вериб.
Нәсруллаһ Лүтфи билдириб ки, бу ил, Имам Хомејнинин (рәһмәтуллаһи әлејһ) илдөнүмү ҝүнү, Мәсум Имамымыз, һәзрәти Мусаји Казымын (әлејһис слам) шәһадәт ҝүнү илә үст-үстә дүшүр. Бу сәбәбдән дә, мүхтәлиф мәзһәби һејәтләрин активлији габагҹадан програмда нәзәрдә алыныб.
Ислам Тәблиғатынын Әлагәләндирмә Шөбәсинин Сәдри даһа сонра билдириб: “Бу ил Гум әһалисинин мүхтәлиф тәбәгәләриндән олан адамлардан 20 мин нәфәри, Ислам Ингилабынын Баниси, Имам Хомејни һәзрәтләринин илдөнүмү ҝүнү, гејд олунан мәрасимдә иштирак едәҹәк. Зәвварларымызын асајиши үчүн Гум әјаләтинин адијјатлы дөвләт даирәләри әлләрәиндән ҝәләнләри әсирҝәмәјәҹәкләр.”
Имам Хомејнинин Һәјатына Гыса Бахыш
Ајәтуллаһ Руһуллаһ Мусәви Хомејни (рәһмәтуллаһи әлејһ) Иран Ислам Республикасынын мәнәви, сијаси лидери вә гуруҹусу олмуш вә Вилајәти Фәгиһ нәзәријјәсини әмәли сүрәтдә тәтбиг едәрәк, 1300 илдән артыг, узун дүшмүш фасиләдән сонра, Елм вә Технологијанын туғјан етдији бир вахтда, 20 әсирин сонларында, Ислам Һакимијјәтини бәрпа етмишдир.
Ајәтуллаһ Хомејни 1902-ҹи илдә сентјабр ајынын 24-дә Иранын Хомејн шәһәриндә анадан олмушдур. Имам Хомејни атасы Сејјид Мустафаны һәлә беш ајлығында оларкән итирир.
Ушаг јашларындан башлајараг дини мәдрәсәләрдә әрәб дили вә әдәбијјаты, мәнтиг, фигһ, үсул вә башга елмләри өјрәнмишдир.
1919-ҹу илдә Әрак Елмијјә Мәдрәсәсинә гәбул олунан Хомејни бурада бир мүддәт тәһсил алдыгдан сонра Гум шәһәриндә Елмијјә Мәдрәсәсинә дахил олмушдур. Фигһ вә үсул дәрсләриндә мүвәффәгијјәт газанараг гыса заманда иҹтиһад (мүҹтәһидлик) дәрәҹәсини әлдә етмишди.
Ајәтуллаһ Хомејни фәлсәфә, тәһзиби нәфс вә әхлаг кими фәнләрдән дәрс демәјә башламыш вә танынмыш Гум алимләри арасында јер алмыш, сонралар исә фигһ вә үсул дәрсләринин мәшһур мүәллимләриндән бири олмушдур. Хомејни о дөврдә һөкумәт әлејһинә олан шәхсләрлә әмәкдашлыг едәрәк Рза шаһа вә Пәһләви сүлаләсинә гаршы мүбаризә апарырды.
О, 1958-ҹи илдә әјаләт вә вилајәт ҹәмијјәтләринин гурулмасы вә шаһын гәбул етдији алты маддәлик ганунун гүввәјә минмәси илә шаһ режими әлејһинә ҹидди шәкилдә мүбаризәјә башлады.
1987-ҹи илдә Тајм журналы Хомејнини илин адамы сечир
1961-ҹи ил 5 ијунда баш верән ганлы һадисәдән сонра режим әлејһинә сөјләдији бир нитгинә ҝөрә һәбс едиләрәк Теһрандакы Ишретабад һәрби һәбсханасында сахланылыр.
1965-ҹи илин 4 нојабрында Түркијәјә сүрҝүн едилди. Имам Хомејни бир мүддәт орада галдыгдан сонра Түркијәдән Ирага кечди вә Нәҹәф шәһәринә јерләшди. Бурада 13 ил сүрҝүн һәјаты кечирир.
Хомејни Ирагдан Франсанын пајтахты Парисә көчүр. 1979-ҹу илдә шаһын Ирандан гачмасындан сонра Ајәтуллаһ Хомејни Ирана гајыдыр. 1979-ҹу ил 11 февралда Хомејнинин башчылығы илә башлајан Ислам Ингилабы гәләбә илә сона чатыр.
1989-ҹу илдә 4 ијун тарихиндә Теһран шәһәриндә вәфат едир.
Диггәт: Хәбәрдән истифадә етдикдә мәнбәјә истинад лазымдыр
