Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән бу ҝүн саат 10:20-дә 5 октјабр 2012-ҹи ил тарихиндә кечирилән “Һиҹаба Азадлыг” аксијасында иштирак етдији үчүн һәбс олунан Елшад Рзајев, Ваһид Ләләкишијев, Рамил Меһдијев, Елчин Мәммәдов, Рамил Вәлијев вә Ариф Фәтәлијевин мәһкәмә иҹласы шаһидләрин ифадә вермәси илә давам етдирилиб.
Илк өнҹә Вәлијев Рамилин вәкили мәһкәмәјә шәхсијјәтини сәҹијәләндирән сүбутлар барәдә ишин јүнҝүлләшдирилмәси үчүн вәсадәт галдырылыб. Вәкил дејиб ки, “Рамил һәбс олунандан сонра атасы вәфат едиб. Ханымы исә һеч бир јердә ишләмир, евдар гадындыр. Өһдәчилијиндә азјашлы ушаг вар. Хаһиш едирәм бунлары нәзәрә алыб протокола дахил едәсиниз”.
Һаким Мәзаһир Садыгов вәсадәти гәбул едиб вә сәнәд протокола дахил олунуб.
Давам едән мәһкәмә иҹласында шаһид гисминдә Гурбанов Вәли мәһкәмәдә ифадә вериб: “Бизә идарәдән зәнҝ ҝәлдики аксија олаҹаг. Биздә идман тәдбири илә бағлы тәһсил назирлијинин әразисиндә идик. Тапшырыг ҝәләндән сонра автобусларда әјләшәрәк ҝөзләмәјә башладыг. Ҝөрдүк ки, ҝәлирләр. Рәис тапшырыг вердики гаршысыны алын. Биздә алдыг.”
Дөвләт иттиһамчысы:
- Сиз орада полис формасында вәзифә борҹунузу јеринә јетирирдиниз ја мүлки ҝејимдә идиниз?
Шаһид Гурбанов Вәли:
- Полис формасында.
Дөвләт иттиһамчысы:
- Сиз тәгсирләндирилән шәхсләрдән аксија заманы һансыны ҝөрмүсүнүз?
Шаһид Гурбанов Вәли:
- Медијев Рамини вә Ләләкишијев Ваһиди ҝөрмүшәм.
Дөвләт иттиһамчысы:
- Сизин нә дедијинизи баша дүшә билмирик. Нә дедијинизи билмирсинизсә нәјә ҝәлмисиниз бура шаһид гисминдә. Хаһиш едирәм суала ачыг, уҹа сәслә ҹаваб верин. Горхмаға еһтијаҹ јохду. Сизи орада вурурдулар ја јох?
Ш.Гурбанов Вәли:
- Хејр вурмадылар. Биз дедик сакит дурун, онларда бираз орада галдылар сонра ҝетдиләр.
Дөвләт иттиһамчысы:
- Бәс һечнә баш вермәдисә сиз орада нејнирдиниз?
Ш.Гурбанов Вәли:
- Чағырдылар биздә ҝетдик.
Шаһид Гурбанов Вәли
- Сән нијә горха-горха ҹаваб верирсән. Бурда белә данышырсанса ҝөр орада неҹә асајиши горујурдун? Сәнин иш јолдашларыны нијә вурурдулар?
Шаһид Гурбанов Вәли
- Нә билим. Вурурдуларда.
Даһа сонра тәгсирләндирилән шәхс Ләләкишијев Ваһид шаһид Гурбанов Вәлијә суал үнванладылар:
Л.Ваһид-
-Сиз чәкилмиш кадрларда вар идиниз?
Шаһид Гурбанов Вәли:
- Хејр.
Һаким
- Кими ҝөрмүсүнүз орада? Л.Ваһид һансы формада иди орда? Ҝејими неҹә иди?
Шаһид Гурбанов Вәли:
- Башында папаг вар иди.
Тәгсирләндирилән шәхс Меһдијев Рамин шаһид Гурбанов Вәлијә етираз едәрәк билдириб: ”Сиз јалан данышырсыныз. Мәни орада ҝөрмәмисиниз. Истинтаг дөврүндәдә мәни танымадыныз. Мүстәнтиг демәсәјди билмәјәҹәјдин мәним ҝејим формам неҹә олуб”.
Һаким сонра јенә суал верди:
- 40 нәфәр полис ишчиси нијә гаршыларын ала билмәдиниз?
Шаһид Гурбанов Вәли:
- Үзәримиздә һеч бир шеј јох иди.
Һаким Мәзаһир Садыгов даһа сонра диҝәр вә сонунҹу шаһиди мәһкәмә иҹласына ифадә вермәк үчүн дәвәт едиб.
Мәһкәмә истинтагына ифадә верән полис әмәкдашы Мәммәдов Турал дејиб ки, “Октјабр ајы иди. Дедиләр аксија олаҹаг. Ҝәлдик назирлијин гаршысына. Инсанлар шүар сәсләндирәрәк ҝәлирдиләр. Чалышдыг гаршысыны алаг. Мүмкүн олмурду. Мән орада иштирак едәнләр Мәммәдов Елчини вә Рзајев Елшады таныјырам. Елшад мүәллим өзүн елә апарырды ки, ҝуја "спесназ"ды ким она һүҹум едирди вурурду. Мән даһа сонра Мәммәдов Елчини тутдум. Әлиндә торба вар иди. Торбанында ичиндә пластик су габына долдурулмуш бензин вар иди. Сорушдум бу нәди һеч нә демәди”.
Тәгсирләндирилән шәхс Елчин Мәммәдов
- Мәни һарада ҝөрдүнүз?
Шаһид Мәммәдов Турал
- Назирлијин гаршысында.
Елчин Мәммәдов-
Мәни ҝөрәндә әлимдә нә вар иди?
Шаһид Мәммәдов Турал
- Јадымда дејил.
Даһа сонра Елшад Рзајев шаһидин она истеһза илә сөз атмасына ҹаваб вериб. О гејд едиб ки, ”Сиз бу ҝүнә гәдәр диндарлары мәзлум билмисиниз. Һәмишә дөјмүсүнүз, сөјмүсүнүз. Бундан әввәлки аксијаларда гадынлара әл галдырмысыныз. Амма Аллаһ Гуранда бујуруб ки, залымлары өз бәндәләри илә ҹәзаландыраҹаг. Мәндә сәнә дејирәм ки, Аллаһын вәд вердији әзабдан горх төвбә ет. Икинҹиси дә мәнә бајаг мүәллим дедин. Мәнә мүәллим дејәрәк мүраҹиәт етмә. Белә давам етсән мәндә сәнә һәким дејәҹәм”.
Шаһид Мәммәдов Турал-
Елшад мүәллим Гуранда јазылыб ки, полиси вурун?
Елшад Рзајев
- Һәким, дедим ахы мәнә мүәллим демә. Аллаһ Гуранда дејир ки, Аллаһын әмрләринә гаршы чыханлар ҹәзаландырылмалыдыр. Сән дә залыма хидмәт едәнсән. Аллаһ вердији ҝүҹлә мәндә сәнин кимиләри шүкүр Аллаһа ҹәзаландырдым ".
Һаким мүбаһисәјә сон гојмаг үчүн сүбутларын арашдырылмасына башландығыны дејиб вә шаһидә ифадәсинин битдијини дејәрәк ҝетмәсини билдириб.
Даһа сонра видеочархлара бахылыб вә експертиза рәјләри ачыгланыб.
Сонда һаким Мәзаһир Садыгов мәһкәмә истинтагынын јекунлашдығыны елан едиб. Дөвләт Иттиһамчысы чыхыш үчүн вахт истәјиб. Һаким мәһкәмә иҹласыны мај ајынын 29-у саат 10:00-а тәјин едиб.
Диггәт: Хәбәрдән истифадә етдикдә мәнбәјә истинад лазымдыр
