Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Сурија Президенти, Доктор Бәшшар Әсәд ҹәнаблары, Түркијәнин Улусал каналы вә Ајдынлыг гәзетинә мүсаһибә вериб.
Мүсаһибәдә, бәзи гоншу дөвләтләр (Түркијә, Әрәбистан, Иорданија, Гәтәр вә гондарма исраил режими) тәрәфиндән Суријанын бир нечә һиссәләрә бөлүнмәси лајиһәсинини ифша едән Бәшшар Әсәд, бу ишин тәкҹә Сурија халгынын дејил, үмумиликдә бүтүн гоншу дөвләтләрин зәрәринә олдуғуну ачыглајыб.
Сурија Президенти Доктор Бәшшар Әсәд дејиб:“Һаммы јахшы билир ки, әҝәр Сурија бр нечә гисмәтә бөлүнәрсә, идарәчилик системи, мүтләг јараглы үнсүрләрин әлинә дүшәҹәк. Даһа сонра исә, бөһран бирбаша артыг гоншу өлкәләрә сирајәт едәҹәк вә сонра исә Јахын Шәрг өлкәләрини бүрүјәҹәкдир”.
Бәшшар Әсәд ҹәнаблары, даһа сонра һарада јашадығы илә бағлы суала ҹаваб верәрәк билдириб: “Мән сизин ҝөзүнүз гаршынызда, јер үзәриндә јашајырам... Мәним ардымҹа чыхарылан шајеәләр, Сурија халгынын руһијјәсиндә мәнфи тәсир гојмаг мәгсәдини ҝүдүр... Мән нә Русија ҝәмиләри үзәриндә јашајырам, нә дә ки, Иран Ислам Республикасында. Мән бурада, Суријадајам, даим јашадығым јердә.”
О, даһа сонра дејиб: “Суријада ҝедән мүһарибә вәтәндаш мүһарибәси дејил, бу хариҹи дөвләтләрин Суријаја гаршы апардығы мүһарибәдир.”
Доктор Әсәд, Сурија дөвләтинин һәр бир ҹинајәткар аддымлара гаршы олдуғуну билдирәрәк дејиб: “Түркијә дөвләти, бир баша Сурија халгынын гәтл едилмәсиндә рол ојнајыр... Түркијә халгы бизим достумуздур лакин Әрдоған, ики халг арасында саваш јаратмаға ҹәһд едир. Әрдоған бүтүн бу ишләри, әлдән вердији абыр-һәјаны ҝеријә гајтармаг наминә едир.”
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
