Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Франсанын Леон шәһәриндә јашајан Нәрҝиз Бибимон адлы Мүсәлман сојлу ханым, Франсада “Һиҹаб Гадағасы”нын идман залларында да тәтбиг едилдији хәбәрин вериб.
Һиҹаблы ханым, Франсанын Ҝиворс шәһәриндә фәалијәт ҝөстәрән идман комплексләринин бириндә адыны јаздырмаг истәдикдә, чох һејрәтләндирәҹи бир сәһнә илә растлашыр. Белә ки, идман комплексинин мәсул шәхсләри, Нәрҝиз ханымын мәһз Һиҹаблы олмасыны “дәлил” ҝәтирәрәк, онун адыны комплексдән истифадә етмәк истәјәнләрин сијаһысында гејд етмәкдән чәкинибләр.
Нәрҝиз Бибимон бу ишин инсан һггларынын кобуд сүрәтдә позулмасы вә вәтәндаш һүгугларынын ачыг ајдын тапдаланмасы кими дәјәрләндирәрәк, өз конститусијон һүгугларындан истифадә едәрәк бу типли ајры-сечкилик вә анти-Ислам рәфтарлары фаш вә бу ишин сәбәбкарларын рүсвај едәҹәјини билдириб.
Гејд едәк ки, Франсада фәалијәт ҝөстәрән Исламофобија илә Мүбаризә (ҸҸЫФ) адлы гејри дөвләт тәшкилаты 2012 ил үчүн вердији рапортда билдириб: “Франсада Исламофобија гурбанларынын 94%-ни гадынлар тәшкил едир”.
Диггәт: Хәбәрдән истифадә етдикдә мәнбәјә истинад лазымдыр
