Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән вәһаби Сәуди Әрәбистан режими, бу ҝүн 1 Март 2013 тарихдә, әл-Бурејдә мәнтәгәсиндә, Сәуд режиминин ҹинајәтләринә гаршы сүлһамиз етираз аксијасы кечирәнләрдән 176 Шиәни һәбс едиб.
Нүмајишчиләр, аксија заманы өлкәдәки ганунсузлуглара, хүсуси илә дә, ики ил өнҹә халг тәрәфиндән башланмыш Ислам Ојаныш Һәракаты үзвләринин һәбс едилмәсинә етираз едәрәк, сијаси мәһбусларын тез бир заманда Ҹәза Чәкмә Мүәссисәләриндән азад едилмәсини тәләб етмишләр.
Сәуд режиминин ҝүҹ структурлары, олајла бағлы вердикләри ачыгламада билдирибләр ки, аксијачылар тәһлүкәсизлик әмәкдашларынын нүмајишә сон гојмалары илә бағлы вердикләри әмринә табе олмадыглары үчүн һәбс едилмишләр.
Әлдә етдијимиз мәлуматлара әсасән, һәбс олунанлар арасында 15 нәфәри гадындыр.
Гејд едәк ки, аксија иштиракчылары 12 саат давамлы олараг, әл-Бурејдә шәһәринин Тәдгиг вә Диндирилмә комитәси гаршысында етираз аксијасы кечирдибләр.
Диггәт: Хәбәрдән истифадә етдикдә мәнбәјә истинад лазымдыр
