Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән АХҸП башганы Әли Кәримли Исламазери.аз-а билдириб: "Азәрбајҹанда инанҹлы шәхсләрин һәбсләри, хүсуси илә өлкәдәки исламофобија вә зүлмә гаршы етираз етдијинә ҝөрә һәбс олунан руһаниләрин мәсәләләри бејнәлхалг мүстәвидә вә сијаси чеврәләрдә мүзакирә едилир".
О, диндарларын әгидәсинә, инанҹына вә етиразына ҝөрә һәбс олунмасына гәти шәкилдә писләјәрәк дејиб: "Әввәла биз Һаҹы Абҝүлү сијаси мәһбус сајырыг. Мәһз ҝөрүшләринә ҝөрә һәбс олунуб. Биз елә бир Азәрбајҹан үчүн чалышырыг ки, о Азәрбајҹанда өз әгидәсинә ҝөрә шәхс һәбс олунмасын. Инсан диндар ола биләр, либерал ола биләр, милләтчи ола биләр, солчу ола биләр. Буна ҝөрә инсаны һәбс етмәзләр. Инсанын дүнја ҝөрүшүнә ҝөрә һәбс етмәк феодал гајдалардыр. Биз она ҝөрә дә исламчы гардашларымызы сијаси мәһбус һесаб едирик. Онлар ки, әгидәсинә, диндар олдугларына ҝөрә һәбс олунмушлар. Тәбии ки, Һаҹы Абҝүлүн “карсер”-ә салынмасыны да гәти шәкилдә писләјирик. Һаҹы Абҝүлә верилән 11 ил һәбс ҹәзасы әндазәсини ашмыш, чох јерсиз вә ағыр бир ҹәзадыр. Үмумијјәтлә илини мүзакирә етмәк истәмирәм. Чүнки Һаҹы Абҝүлүн һәбси ганунсуздур. Онун 1 ил һәбс олунмасы да ганунсуздур, 11 ил һәбси дә".
Диггәт: Хәбәрдән истифадә етдикдә мәнбәјә истинад лазымдыр
