Әһли Бејт -АБНА- хәбәр аҝентлијинин вердији хәбәрә әсасән мөвҹуд әлијевләр режими Јанварын 26-да “Азадхебер.орҝ”сајтынын баш редактору Ниҹат Әлијевә әлавә гондарма иттиһамлар верилиб.
Ниҹат Әлијев өтән ил мајын 20-дә бәднам “евровисион” 2012 фәсад мүсабигәси әрәфәсиндә тутулуб. Бакы Истинтаг Тәҹридханасында сахланан Исламчы журналист Ҹинајәт Мәҹәлләсинин 234.1-ҹи маддәси илә (ганунсуз олараг наркотик васитәләри, психотроп маддәләри вә ја прекурсорлары һазырлама, истеһсал етмә, әлдә етмә, сахлама, дашыма, ҝөндәрмә вә ја сатма) ШӘРРЛӘНИЛИР.
Вәкил Анар Гасымлынын вердији мәлумата ҝөрә, журналист әлавә олараг Ҹинајәт Мәҹәлләсинин 167-2.2.1-ҹи (габагҹадан әлбир олан бир груп шәхс вә ја мүтәшәккил дәстә тәрәфиндән мүвафиг разылыг олмадан дини тәјинатлы әдәбијјаты, әшјалары вә дини мәзмунлу башга мәлумат материалларыны истеһсал етмә, сатыш вә ја јајма мәгсәди илә идхал етмә, сатма вә ја јајма), 281.2-ҹи (бир груп шәхс тәрәфндән һакимијјәтин зорла әлә кечирилмәсинә, зорла сахланылмасына вә ја Азәрбајҹан Республикасынын конститусија гурулушунун зорла дәјишдирилмәсинә вә ја әрази бүтөвлүјүнүн парчаланмасына јөнәлән ачыг чағырышлар етмә, һабелә бу ҹүр мәзмунлу материаллары јајма), 283.2.3-ҹү (мүтәшәккил дәстә тәрәфиндән милли, ирги, сосиал вә ја дини нифрәт вә дүшмәнчилијин салынмасына, милли ләјагәтин алчалдылмасына, һабелә милли, ирги вә ја дини мәнсубијјәтиндән асылы олараг вәтәндашларын һүгугларынын мәһдудлашдырылмасына вә ја үстүнлүкләринин мүәјјән едилмәсинә јөнәлән һәрәкәтләр, ашкар сурәтдә вә ја күтләви информасија васитәләриндән истифадә олунмагла төрәдилдикдә) маддәләри илә дә тәгсирләндирилир.
Исламчы журналист Ниҹат Әлијевин ады Авропа Шурасынын мәрузәчиси Кристофер Штрассерин сијаси мәһбуслар сијаһысына әлавә олунмушду. АШПА сессијасынын 23 јанвар сессијасында сијаси мәһбуслар үзрә мәрузәчи Кристофер Штрассерин “Азәрбајҹанда сијаси мәһбуслар мәсәләсиндә атылмалы аддымлар” адлы һесабаты рәдд олунуб.
Диггәт: Хәбәрдән истифадә етдикдә мәнбәјә истинад лазымдыр
