Әһли Бејт -АБНА- хәбәр аҝентлијинин вердији хәбәрә әсасән Пакистанда бу ҝүн "Мөвлуд ән-Нәби"- Мәһәммәд Пејғәмбәрин (с.ә.с) доғум ҝүнү тәнтәнәли шәкилдә гејд олунур.
Ислам дүнјасынын бу мөһтәшәм тарихи шәрәфинә Пакистанын пајтахты Исламабадда 31-ҹи, әјаләт мәркәзләриндә исә 21-ҹи топлардан атәш ачылыб. Бүтүн дөвләт әһәмијјәтли, һәмчинин јашајыш биналарында милли бајраглар галдырылыб. Өлкәнин тәрәггиси вә үммәтин рифаһы наминә хүсуси дуалар охунуб.
Пејғәмбәрин (с) доғум ҝүнүнүн гејд олунмасы илә бағлы кечирилән тәдбирләрдән бири дә "Пејғәмбәрин (с) елми ишығында сосиал әдаләт консепсијасынын әһәмијјәти" мөвзусунда кечирилән милли конфранс олуб. Конфрансда Пакистанын Баш назири Раҹа Пәрвиз Әшрәф, ҝөркәмли алимләр вә илаһијјатчылар иштирак едиб. Конфранс заманы Мәһәммәд Пејғәмбәрин (с) һәјатынын мүхтәлиф аспектләри ишыгландырылыб.
Аноложи мөвзуда конфранслар Лаһоа, Карачи, Пешавар вә Кветтада да кечирәләҹәк.
Бүтүн мәсҹидләр, биналар, базарлар вә шәһәрләрин әсас күчәләри рәнҝарәнҝ банер вә ишыгларла бәзәдилиб. Бүтүн өлкә әразисиндә дини вә иҹтимаи тәшкилатлар тәнтәнәли јүрүшләр кечирибләр.
Диггәт: Хәбәрдән истифадә етдикдә мәнбәјә истинад лазымдыр
