Әһли Бејт -АБНА- хәбәр аҝентлијинин вердији хәбәрә әсасән “Бинә” Тиҹарәт Мәркәзиндә вәзијјәт ҝәрҝин олараг галмагдадыр. Јанварын 19-да тиҹарәт мәркәзинин саһибкарлары аксија кечирәндән сонра базар там нәзарәтә ҝөтүрүлүб. Бу барәдә саһибкарлар билдириб. Онларын дедијинә ҝөрә, етираз аксијасындан горхуја дүшән тиҹарәт мәркәзинин рәһбәри Кәбирә Мәммәдова һәмин ҝүндән етибарән базардакы мүһафизәчиләрин сајыны артырыб. Сәбәб исә диҝәр саһибкарларын јенидән аксија кечирмәси горхусудур. Базарда оларкән һәгигәтән дә тиҹарәт мәркәзиндә мүһафизәчиләрин вар-ҝәл етдијини ҝөрдүк. Әввәлләр һәр сырада 1-2 мүһафизәчи олдуғу һалда инди бу сыраларын һәр бириндә демәк олар ки, 30-40 мүлки ҝејимли, идманчы ҝөркәмли шәхсләр вар иди. Бу шәхсләр ачыг-ајдын саһибкарлары нәзарәтдә сахлајыр, тиҹарәт мәркәзиндә 2-3 саһибкар бир јерә јығышан кими һәмин әразини әһатәјә алыр, саһибкарлары һәмин әразидән узаглашдырыр. Артыг иш о јерә чатыб ки, базарда бир саһибкар диҝәр саһибкарла нормал сөһбәт дә едә билмирләр. Мүлки ҝејимли голузорлулар Кәбирә Мәммәдованын тапшырығы илә саһибкарлары аддым-аддым изләјир, онлары ики-ики, үч-үч ҝәзмәјә, топлашмаға имкан вермирләр. Неҹә дејәрләр, тиҹарәт мәркәзиндә ики-ики, үч-үч ҝәзмәк газдағандыр. Һәр сырада мағазаларын гаршысында ҝәзән голузорлулар саһибкарларын бүтүн һәрәкәткләрини, данышыгларыны изләјир, онларын һансыса бир һәрәкәт еләмәсинә имкан вермир. Саһибкарлар јалныз мал сатаркән мүштәриләрлә даныша биләрләр. Башга ҹүр саһибкарын һансыса бир гоһуму, танышы вә иш јолдашы илә данышмасына имкан верилмир.
“Базарком” јоха чыхыб
Сакинләр дејирләр ки, Кәбирә Мәммәдова 19 јанвар аксијасындан әмәлли-башлы горхуја дүшүб. Аксијадан сонра Кәбирә Мәммәдова көмәкчиси Дилшад Әлијева илә бирликдә јоха чыхыб. Һәмин ҝүндән сонра о базара ҝәлмир, тиҹарәт мәркәзиндәки рәһбәрлијин инзибати бинасы гыфыллы галыб: “Һәмин ҝүн Кәбирә Мәммәдова бурда иди. Саһибкарлар аксија кечирәндән бир саат сонра 10-15 ҹанҝүдәнлә бирликдә һадисә јеринә ҝәлди вә билдирди ки, ҝуја саһибкарларла данышыглар апармаға ҝәлиб. Амма, һеч бир саһибкарла данышыг апармады. Кәбирә Мәммәдова һадисә јеринә ҝәлән кими саһибкарлар, аксија иштиракчылары Чевик Полис Алајынын әмәкдашлары тәрәфиндән мүһасирәјә алынды вә һәбсләр башланды. Полисләрә Кәбирә Мәммәдованын ҹанҝүдәнләри көмәклик етдикләр. Онлар араны гарышдырдылар, саһибкарлара һүҹум етдиләр вә нәтиҹәдә гаршыдурма башланды. Бурда һеч ким гаршыдурма јаратмаг истәмирди. Чүнки, бизим мәгсәдимиз Кәбирә Мәммәдованын өзбашыналығы барәдә аидијјәти гурумлара мәлумат вермәк, бу барәдә иҹтимаијјәти мәлуматландырмаг иди. Амма, Кәбирә Мәммәдованын адамлары өзләрини судан гуру чыхармаг үчүн гарышыглыг јаратдылар вә нәтиҹәдә 100-дән чох саһибкар һәбс олунду”. Саһибкарлар билдирирләр ки, базарда вәзијјәт доғрудан ҝәрҝиндир. Артыг саһибкарлар давамлы аксијалар кечирмәк гәрарындадыр . Сәбәб исә јанварын 19-да һәбс едиләнләрдән 11 нәфәрә ҹинајәт ишинин башланмасыдыр: “Әслиндә ҹинајәт иши бизә дејил, Кәбирә Мәммәдова вә онун гочуларына ачылмалыдыр. Чүнки, һадисәнин сәбәбкарлары да онлар иди. Кәбирә Мәммәдова иҹарә һаггыны галдырмасајды, онун ҹанҝүдәнләри бизә һүҹум етмәсәјди, һеч ким артыг һәрәкәт етмәјәҹәкди. Онларын ҝүнаһы үзүндән бу ҝүн 10-15 аилә башсыз галыб, һүгуг мүһафизә органлары исә ҝүнаһкарлар әвәзинә бизи тәгиб едир, Кәбирә Мәммәдованын ҹанҝүдәнләринә һеч нә демир”.
Саһибкарлар билдирирләр ки, јанварын 19-дан сонра ики дәфә јенидән аксија кечирмәјә ҹәһд едибләр. Амма, әразидәки ҹанҝүдәнләрин јенидән тәхрибат төрәдәҹәјини һисс едиб сакитләшибләр. Амма буна бахмајараг, һәбс олунан саһибкарлар азад олунмајана гәдәр тиҹарәтчиләр мүбаризәни давам етдирәҹәк.
Кәбирә Мәммәдова “Сәдәрәј”ә ҝедән саһибкарларын мағазаларын әлиндән алдырыр
Тиҹарәт мәркәзиндә оларкән даһа бир факта рәст ҝәлдим. Базарда һәр ҹәрҝәдә онларла, бәлкә дә даһа чох мағаза бағлы иди. Сәбәбини сорушанда исә билдирдиләр ки, һәмин мағазаларын саһибләри артыг “Бинә” тиҹварәт мәркәзиндә ишләмәкдән имтина едиб. Кәбирә Мәммәдованын өзбашыналығы, даһа сонра 19 јанвар һадисәси бу саһибкарлары тиҹарәт мәркәзиндә ишләмәк фикриндән дашындырыб. Она ҝөрә дә, һәмин шәхсләр мағазалары сатыша чыхарыб базардан ҝедибләр. Һәмин шәхсләр малларыны “Сәдәрәк” Тиҹарәт Мәркәзинә көчүрүб алверини орада давам етдирирләр. Саһибкарлар дејирләр ки, објектләрини бағлы сахлајан саһибкарлара да Кәбирә Мәммәдованын адамлары тәзјигләрини давам етдирир. Бу тәзјиг васитәләри исә башга үсулла һәјата кечирилир. Белә ки, Кәбирә Мәммәдованын адамлары бағланан објектләрин сатышына иҹазә вермирләр. Објектин үзәринә јазылан “сатылыр” лөвһәләри һәмин голузорлулар тәрәфиндән ҹырылыб атылыр, саһибкарлар тәгиб олунурлар ки, мағазалары ачсынлар: “Мағазаларын һамысыны өз пулумузла алмышыг. Амма, Кәбирә Мәммәдова бизим мағазаларын сәнәдләрини вермир. Шәхси мүлкүмүздә бизимлә иҹарә мүгавиләси бағлајыб. Һәр мағаза саһибкарлара 30-40 мин маната сатылыб. Өз шәхси пулумузла алдығымыз мағазалары инди сатмаға имкан вермирләр. Дејирләр ја ҝәл ишлә, ја да әлиндән алырыг. Белә биабырчылыг олмаз. Өз мүлкүмүздүр, кимә истәјирик сатырыг, бу нә биабырчылыгдыр. Һеч бир аидијјәти гурум да бу мәсәләјә мүдахилә етмир. Кәбирә Мәммәдова елә бир адама архајындыр ки, она һеч ким бир сөз дејә билмир”.
Бәли, һазырда “Бинә” Тиҹарәт Мәркәзиндә бу ҹүр һадисәләр һөкм сүрүр. Кәбирә Мәммәдова јоха чыхыб, саһибкарлар да бир-бир мағазалары бағлајыб “Сәдәрәк” Тиҹарәт Мәркәзинә ахышыр. Саһибкарлары ҝери гајтармаг истәјән Кәбирә Мәммәдова исә јенә дә тәзјиг васитәләриндән истифадә едир.
Диггәт: Хәбәрдән истифадә етдикдә мәнбәјә истинад лазымдыр
