Мехико һакимијјәти бу һәфтә Һејдәр Әлијевин бүтүнү сөкәҹәк

Әһли Бејт -АБНА- хәбәр аҝентлијинин вердији хәбәрә әсасән Мексиканын пајтахтында Азәрбајҹанын екс-лидеринә гојулмуш тунҹ бүт бу һәфтә сөкүләҹәк. Бу, “диктатор”ун белә шәрәфә лајиг олмамасы илә бағлы һүгуг мүдафиәчиләринин шикајәтинин нәтиҹәсидир.  АФР аҝентлијинин мәлуматына ҝөрә, Мехико мери Миҝел Анһел Мансера чәршәнбә ахшамы билдириб ки, Һејдәр Әлијевин бүтү ҝөтүрүләҹәк вә һакимијјәт онун үчүн башга јер ахтараҹаг.  “Биз бу һәфтә ахтарышы давам етдирәҹәјик”, - Мансера Формула радиосуна билдириб.  Өтән илин августунда Азәрбајҹан сәфирлији шәһәрин ики паркында вә Чапултепек паркында һејкәлин гојулмасы үчүн 5 милјон доллар өдәјиб. Бундан сонра һиддәтләнмиш һүгуг мүдафиәчиләри бәјан едибләр ки, бура Әлијев үчүн дејил вә Маһатма Ганди, Мартин Лүтер Кинг кими инсанларын абидәләринин сырасында она јер јохдур.  Һ. Әлијев 1993-2003-ҹү илләрдә өз һакимијјәти дөврүндә өзҝәфикирлилији боған, әлејһдарларыны һәбсханалара салан, КИВ-и сусдуран диктатор кими таныныр.  Бүтүн сөкүлмәси барәдә Мансеранын гәрарына хариҹи сијасәт үзрә бир груп експертин бүтүн башга јерә кечирилмәси илә бағлы төвсијәләри сәбәб олуб.  Онун сөзләринә ҝөрә, әввәлки мер Марсело Ебрарденин вахтында ачылмыш бүт үчүн јени јерин сечилмәси илә бағлы Азәрбајҹан сәфирлији илә данышыглар апарылаҹаг.  Азәрбајҹан сәфирлијинин мәтбуат катиби исә билдириб ки, сәфирлик бүтүн талеји илә бағлы “һәр һансы гәрар гәбул етмәјиб” вә Мексика һөкумәти илә данышыглар давам етдирилир.  Хатырладаг ки, бундан әввәл сәфирлик бәјанатла чыхыш едәрәк билдириб ки, бүт сөкүләрсә, Азәрбајҹан Мексика илә дипломатик мүнасибәтләри поза вә Мексикаја чохмилјонлу инвестисијалардан имтина едә биләр.    Диггәт: Хәбәрдән истифадә етдикдә мәнбәјә истинад лазымдыр