Әһли Бејт (әлејһис сәлам) - АБНА - Хәбәр Аҝентлијинин вердији хәбәрә әсасән Дүнја Мүсәлманларынын Али Лидери бејнәлхалг мүстәмләкәчилијин бүтүн тәзјиг вә дүшмәнчиликләринә бахмајараг, Ислам Ингилабы вә Иран халгынын инкишафынын давам етмәсини илаһи вәдин реаллашмасынын нишанәси адландырыблар.
Имам Хаменеи чәршәнбә ҝүнү Иран Ислам Республикасынын силаһлы гүввәләринин информасијанын мүһафизәси рәсмиләри вә ишчиләрини гәбул едибләр. Ҝөрүшдә Бөјүк Рәһбәр билдирибләр: Илаһи вәдин реаллашмасынын мејары Ислам Республикасы гурулушудур ки, дүшмәнин бүтүн тәзјигләринә бахмајараг, 34 ил кечдикдән сонра һазырда реҝионал вә бејнәлхалг мәсәләләрдә бир һөрмәтли, игтидарлы, тәсиредиҹидир.
Сәбир вә тәвәккүл едәнләрин вә Аллаһ дининин көмәкчиләринә көмәк етмәкдә илаһи вәдин гәти олмасына тохунан Ајәтуллаһ Сејјид Әли Хаменеи ҹәнаблары әлавә едибләр: Империалист ҹәбһә бүтүн вар-ҝүҹүндән истифадә едир ки, тәзјиг вә санксијаларла Иран халгыны тәслимә мәҹбур етдин. Лакин бу халг чәтинликләрә дөзүр. Чүнки дүшмәнин стратежи хәритәси, тактикасы вә мәгсәдини анлајыб вә дүзҝүн мүәјјәнләшдирмә вә дәркә әсасән әмәл едир.
Һәзрәт Ајәтуллаһ Хаменеи дүшмәнин танынмасы вә заманын танынмасыны еҹазкар мәсәләләрдән бири адландырараг әлавә едибләр: Дүшмәнин 1388-ҹи ил (2009) һадисәләриндә Ислам Республикасына гаршы он иллик планын нәтиҹә вердијини дүшүндүјү бир һалда, Иран халгы игтидарла сәһнәдә иштирак етди вә бејнәлхалг етиразчы вә мүхалифләрин ағзындан вурду.
“Иран халгы бир даһа 22 бәһмәндә өз игтидады, әзмкарлығы вә идракыны дүнјанын ҝөзү өнүндә нүмајиш етдирәҹәк” –дејә Бөјүк Рәһбәр хатырладыблар.
Имам Хаменеи һәмчинин силаһлы гүввәләрин тәһлүкәсизлик истигамәтиндә информасијаларын горунмасы вә онун ағыр мәсулијјәтини фәхрли, шәрәфәли адландырыб вә билдирибләр: Исламын бахышынҹа, силаһлы гүввәләр механизм системи вә ирадәсиз бир машын кими дејилдир. Әксинә инсан гүввәси илә вә бир топлу олараг ағыл, мәнтиг, әзмкарлыг, ирадә, гәрар, иман вә дујғулара маликдир.
Диггәт: Хәбәрдән истифадә етдикдә мәнбәјә истинад лазымдыр
