Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Ислам Партијасынын (АИП) һәбсдә олан сәдри Һаҹы Мөвсүм Сәмәдовун сағлыг дуруму барәдә нараһатедиҹи хәбәрләр јајылыб. Вәзијјәти писләшдирән амил одур ки, М.Сәмәдов барәдә вәкилинә практики олараг, һеч бир мәлумат верилмир.
Јахынларынын вердикләри мәлумата ҝөрә, сон бир ајда Мөвсүм Сәмәдовун үрәјинин арха дамарларында ган чатышмазлығы јараныб.
ДЕВАММ бунунла бағлы бәјанат гәбул едиб. Мәркәзин сәдри Һаҹы Илгар Ибраһимоғлунун јајдығы бәјанатда билдирилир: "ДЕВАММ олараг, Һаҹы Мөвсүмүн сағламлығы илә бағлы јаранмыш вәзијјәтдән дәрин нараһатлығымызы ифадә едирик. Нәзәрә чатдырырыг ки, азадлыгдан мәһрум олан бир инсан кими, Һаҹы Мөвсүмүн сағламлығы илә бағлы бүтүн мәсәләләрә һөкумәт ҹавабдеһлик дашыјыр.
Биз Һаҹы Мөвсүмүн сәһһәт дуруму илә бағлы тәхирәсалынмаз аддымлар атмаг, о ҹүмләдән, нејтрал вә објектив тибб комиссијасы тәшкил етмәк, јетәрли диагностик һәрәкәтләрини һәјата кечирмәк, етимад доғуран јерләрдә тибби проседурлара башламаг үчүн әлагәдар гурумлар гаршысында мәсәлә галдырырыг.
ДЕВАММ олараг билдиририк ки, Һаҹы Мөвсүм Сәмәдов - виҹдан мәһбусудур. Бу бахымдан, онун барәсиндә һәр һансы диггәтсизлик хүсусилә мәнфи дәјәрләндирилир".
Хәбәр хидмәти
Диггәт: Хәбәрдән истифадә етдикдә мәнбәјә истинад лазымдыр
