Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Ислам Партијасынын сәдри доктор Мөвсүм Сәмәдовун һәбсинин икинҹи илдөнүмү илә ејни заманда "Азәрбајҹанда Ислами Һәрәкатын Сон Дурумунун Тәһлили" топлантысы Тәбризин Әббаси мәнтәгәсинин "Имам Заман (әҹ)" мәсҹидиндә кечирилиб.
Топланты мәдәнијјәт ишчиләриләри вә јерли әһалинин ҝениш иштиракы илә кечирилиб. Мәрасимдә чыхыш едән һөҹҹәтүл-ислам вәл-мүслимин Бәрҝи дејиб: "Биз бу ҝүнләри бу мүгәддәс мәкана топлашмышыг ки, өз дини тәлимләримизә әсасланараг, Гарабағын индијә кими ишғал алтында галмасына өз етиразымызы билдирәк вә динләринә әмәл етмәкдә проблемләрлә үзләшдирилмиш азәрбајҹанлы баҹы-гардашларымызла һәмдәрд олмағымызы билдирәк".
Бәрҝи чыхышында имам Һүсејнин (ә) гијамындан да данышмыш, имамын Мәккәдән Кәрбәлаја кими мүхтәлиф чыхышларына, бу чыхышларында гијамыны әмр бе мәруф вә нәһј әз мүнкәр етмәк, зүлмә гаршы мүбаризә вә мәзлумун мүдафиә етмәк олмасы илә бағламасыны, наһәјәт, бу јолда өз әзизләриндән вә ҹанындан кечмәсинә ишарә етмишдир.
Һаҹы Бәрҝи даһа сонра Азәрбајҹан Республикасынын һазыркы дуруму барәдә изаһ верәрәк дејиб: "Һал-һазырда Ислам торпаглары һесаб едилән бу өлкә торпагларынын 20 фаизи ермәниләрин ишғалы алтындадыр. Амма бу өлкә ермәниләрин бајрамы олан милад бајрамы мүнасибәтилә 7 ҝүн рәсми тәтил елан едир, лакин Ашура вә Әрбәин ҝүнләри тәтил едилмир. Бу тәәҹҹүб вә тәәссүф доғурур".
О чыхышынын давамында дејиб: "Әлбәттә, Азәрбајҹанда шәһид Мүбариз Ибраһимов кими гәһрәманлар вә Мөвсүм Сәмәдов кими мүҹаһидләр дә вардыр ки, Ислам вә вәтән јолунда өз ҹан вә азадлыгларындан кечибәр".
Һөҹҹәтүл-ислам вәл-мүслимин чыхышында "белә бир гәһрәманлары олан өлкәнин Гарабағы азад етмәси үчүн АБШ вә сионист режиминә еһтијаҹы вармы"- дејә, бир суал да ортаја гојмушдур.
О даһа сонра бу өлкә дөвләтинин һиҹаб гадағасыны, мәсҹидләри дағытмасыны вә диҝәр дини шүарларла мүбаризә етмәсинә тохунараг, халгы мәнәвијјатдан узаг сахламаларынын өлкәнин вә ҹәмијјәтин зәрәринә олмасы адландырыб.
Бәрҝи бәјанатынын диҝәр бир һиссәсиндә доктор Сәмәдов мәһз дини етигадлары бәјан вә дөвләтин илсамофобија сијасәтләрини тәнгид етдији үчүн 12 ил һәбсә мәһкум олунмасыны да гејд едәрәк дејиб: "Бәс, иддиа едилән демократија һаны?!"
Доктор Сәмәдов вә диҝәр исламчыларын һидајәтләрини дәјәрләндирән хәтиб, дејиб: "Онлар, имам Һүсејнин (ә) јолуну сечдиләр вә бүтүн азәриләрин гүрур вә ифтихарына сәбәб олдулар".
Хәтиб, даһа сонра дејиб: "Биз Мүһәммәд (с) ҝәтирән Исламын тәрәфдарыјыг вә Ливан, Фәләстин, Мијанмар вә Гарабағын дәрдини өз дәрдимиз билирик. Топлашдығымыз мәрасимин кечирилмәси дә бу дәрди һисс етдијимизә ҝөрәдир. Әҝәр бир кәс бизи диҝәрләринин ишинә гарышмагда тәгсирләндирсә, биз, Гурани-кәримин мүсәлманлары бир-бирләринин дини гардаш адландырдығы ајә әсасында өз һәмдин вә һәмдилләримизи мүдафиә едирик вә хатырладырыг ки, динлә мүбаризәнин јахшы агибәти јохдур. Чүнки бундан өнҹә дә Рзахан Пәһләви Иранда, Ататүрк Түркијәдә, коммунистләр һәмин Азәрбајҹанда динлә мүбаризәјә галхдылар, амма накам галдылар. Һарадарыр, Ленинин фикирләри, Сталинин фикирләри... ".
Һөҹҹәтүл-ислам вәл-мүслимин Бәрҝи чыхышынын сонунда тәкид едиб: "Ҝәләҹәк, Ислам вә мүсәлманларладыр. Үмидварыг ки, бүтүн мүсәлман өлкәләри Ислама гајытмагла өз һәгиги иззәтләринә чатаҹаг вә ваһид ҹәбһә тәшкил етмәклә Ислам дүшмәнләри гаршысында Ашура мәдәнијјәти илә гәдәм ҝөтүрәҹәкләр".
Мәрасимин сонунда Гарабағын азадлығы вә Азәрбајҹан Республикасында дини мәһдудијјәтләрин арадан галхмасы үчүн дуа едилди.
Диггәт: Хәбәрдән истифадә етдикдә мәнбәјә истинад лазымдыр
