Әһли Бејт -АБНА- хәбәр аҝентлијинин вердији хәбәрә әсасән бу ҝүн Азәрбајҹан Ислам Партијасында Исламчыларын Һүгугларынын Мүдафиә Комитәсинин мәтбуат конфрансы кечирилиб.
Конфрансда Азәрбајҹан Зијалылар Бирлијинин сәдри Елдәниз Гулијев мүдафиә комитәсинин ишиндә мүәјјән нөгсанлардан сөһбәт ачды. О гејд етди ки, өлкәдә сијаси һакимијјәтин апардығы дахили, хариҹи сијасәтдә милли, ислами әхлаг критеријаларынын ҝөзләнилмәмәси, ҹәмијјәтдә адлары һөрмәтлә чәкилән, мәнәвијјатҹа зәнҝин, дөвләтин, халгын, мәнәвијјатымызын кешијиндә дурмаға чалышан инсанларын шәрләнәрәк һәбс олунмасы халгымыза гаршы дүшмәнчилик кими баша дүшүлмәлидир. Һагсыз јерә һәбс олунанларын һүгугларынын даһа да сәмәрәли мүдафиәси үчүн иҹтимаи, сијаси тәшкилатларла, бир сыра апарыҹы мәтбу органларла әлагәләри даһа да ҝүҹләндирмәлик фикрини ирәли сүрән Е.Гулијев бир сыра мүһүм тәклифләр верди.
“Бирлик" иҹтимаи тәшкилатын сәдри Вүсал Һәтәмов инанҹлы инсанларын һәбсиндә һакимијјәтин хүсуси мәгсәдиндән сөз ачараг гејд етди ки, бу ҝүн исламчылар өлкәнин сијаси, сосиал базаја малик олмаг бахымындан реал гүввә кими танынмагда вә ҹәмијјәт тәрәфиндән гәбул едилмәкдәдирләр. В.Һәтәмов исламчыларын һаглар вә һүгугларынын мүдафиәсиндә иҹтимаиләшмә просесинин сүрәтләндирилмәсини мәгсәдәујғун һесаб етди.
АИП сәдринин биринҹи мүавини Ингилаб Әһәдли сәсләндирилән һәр фикрә һөрмәтлә јанашдығыны билдирди. О. дөвләт башчысынын әфв фәрманы илә бағлы фикрини ачыглајараг гејд етди ки, әфв етмәк өзлүјүндә мүсбәт мәгам вә инсанда бәјәнилән кејфијјәтдир. Амма бунун һәбсдә јатан, һәм дә һагсыз јерә јатан исламчыларла әлагәси јохдур. Бу фәрманда ајрысечкилик өзүнү ајдын шәкилдә ҝөстәрир. Әслиндә шәрләнәрәк, ади бир чыхыша ҝөрә 12 ил һәбс олунан инсанлар-исламчылар һәбсдә галмагда давам едирсә, демәли Азәрбајҹан вәтәндашынын һагг вә һүгугларынын танынмасындан, һуманистликдән сөһбәт ҝедә билмәз. Биз онда алгышлајардыг бу аддымы ки, ҝүнаһсыз һәбс олунанлардан һәбсдә зорла сахландыглары үчүн үзр истәниләрди вә һәбсханалардан евләринә, аиләләринин јанына бурахылардылар.
Мәтбуат конфрансында һәмчинин АИП сәдри Елчин Маһафов, гонаглардан Меһдибәј Сәфәров чыхыш едәрәк һәбсдә һагсыз јерә јатан исламчылар һаггында фикирләрини билдирмишләр. Сонда конфранс иштиракчылары журналистләрин чохсајлы суалларына ҹаваб вермишләр.
Мәтбуат конфрансында бәјанат гәбул олунуб. Бәјанатын там мәтнини тәгдим едирик:
Исламчыларын Һүгугларынын Мүдафиә Комитәсинин
Б Ә Ј А Н А Т Ы
Бу ҝүнләрдә өлкә рәһбәрлијинин әфв фәрманы илә бир груп инсанын азадлыға вә аиләләринә говушмасы вәтәндаш ҹәмијјәтләри нүмајәндәләринин вә бүтөвлүкдә иҹтимаијјәтин рәғбәтинә сәбәб олмушдур. Һәбс мүддәтини баша вурмадан азадлыға бурахыланлар арасында руһани Азәр Ҹәбијев, Фәхри Илјасов, инанҹлы тәбәгәдән олан Заур Искәндәров, Анар Бајрамлы, Араз Исмајылов, Илгар Мусајев дә вар. Шүбһәсиз ки, бу инсанларын әмәлләриндә Ислам дининин тәәссүбкешлијиндән, инсанлары Аллаһин ваҹиб бујурдугларыны јеринә јетирмәјә дәвәтдән башга һеч бир ҹинајәт тәркибинин олмамасы һамыја бәллидир. Она ҝөрә дә биз Исламчыларын Һүгугугларынын Мүдафиә Комитәсинин үзвләри бу инсанларын азадлыға говушмасыны ҹинајәтләринин әфви кими дејил, һагг вә һүгугларынын танынмасы кими гијмәтләндиририк. Әлбәттә, бу, ҝеҹикмиш дә олса, азадлыға говушанлар барәдә әдаләтли аддымдыр. Инсан һаглары вә азадлыгларынын бәрпасыны, кимлијиндән асылы олмајараг һәр кәс тәгдирәлајиг һал кими гијмәтләндирир.
Бу кими фәрманлара әслиндә, наһаг һәбс едилмиш инсанларын-садә, гејрәтли Азәрбајҹан вәтәндашларынын азадлыгда јашамаларына, онларын ҹәмијјәтә милли-мәнәви дәјәрләримизин ашыланмасында гијмәтсиз хидмәтләринә бөјүк еһтијаҹ вардыр вә конститусион һаглары тәҹили тәмин олунмалыдыр.
Биз 2010-ҹу ил 13 феврал һадисәләриндә шәрләнәрәк һәр бири дөрд ил јарым мүддәтә һәбс олунмуш Елмар Сәмәдовун, Ағәли Јәһјајевин, Сејнур Һүсејновун, хүсусән дә 2011-ҹи ил јанвар ајында ән ағыр иттиһамларла тәгсирли билинәрәк зинданлара салынмыш вә бүтөвлүкдә јетмиш илә јахын ән ағыр ҹәза илә ҹәзаландырылмыш АИП сәдри Һаҹы Мөвсүм Сәмәдов, Фәрамиз Аббасов, Дәјанәт Сәмәдовун, Руһулла Ахундзадәнин, Фирдовси Мәммәдрзајевин дә бу ҹүр сәрт, әдаләтсиз ҹәзаја лајиг олмадыгларыны билдирир, тезликлә азадлыға бурахылмаларыны тәләб едирик. Һесаб едирик ки, бу инсанлар нәинки ҹинајәт ишләтмәмиш, әслиндә ибтидаи истинтагда үзәрләринә гојулан ағыр иттиһамлар мәһкәмә арашдырмасында сүбута јетирилмәмиш вә иттиһамын там сахта вә јалан олмасы ајдынлашмышдыр. Тәзјиг вә мәнәви сарсынтылара мәруз галараг һәбсхана диварлары арасында дүнјасыны дәјишмиш Шәһид Һаҹы Вагиф Абдуллајевин дә сүбут олунмајан тәгсири үзәриндән ҝөтүрүлмәли, аиләсиндән үзр истәнилмәлидир.
Һуманистлик, инсан һагларыны танымаг вә мүдафиә етмәк һүгуги, демократик дөвләтин, дөвләт рәһбәринин мәнәви борҹудур. . Адыны садаладығымыз инсанлар нәинки ҝүнаһсыз вә пак инсанлардыр, онлар һәр заман Вәтән вә дөвләтчилик јолунда ҹанларындан, ганларындан кечә билән горхмаз, сағлам әгидә саһибләридир. Биз бир милләт вә мүстәгил дөвләтә саһиб халг олараг һагларымызын, һүгугларымызын бәрпа олунмасыны хариҹи өлкәләрин дигтә вә сифаришиндән, тәләбләриндән өнҹә Конститусијамыза, Гурани-Кәримә әл басараг вәтәндашларынын һүгугларыны, тәһлүкәсизликләрини, азад јашамаг һаггыны горумаға анд ичән дөвләт башчысындан өһдәликләринин јеринә јетирилмәсини тәләб едирик
Исламчыларын Һүгугларынын Мүдафиә Комитәси.
29.12.2012
Диггәт: Хәбәрдән истифадә етдикдә мәнбәјә истинад лазымдыр
