Әһли Бејт -АБНА- хәбәр аҝентлијинин вердији хәбәрә әсасән НТВ вә “Стар” телевизија каналларына мүсаһибә верән Түркијәнин Баш назири Рәҹәб Тајјиб Әрдоған НАТО тәрәфиндән ајрылмыш “Патриот” һавадан һүҹум системинин гурашдырылаҹағы бөлҝәләри ачыглајыб.
О, бу һагда билдириб: “Түркијә НАТО-ја үзв бир өлкәдир. Биз мүраҹиәт етдик вә АБШ, Һолландија, Алманија һәрәси ики ракет ҝөндәрәҹәк. Бунлар Адана, Газиантеп вә Гәһрәманмарас шәһәрләриндә јерләшдириләҹәкләр. Бир ил орада галаҹаглар. Әҝәр биз истәсәк, ракетләрин галма мүддәти узадыла биләр'.
Бу арада, Түркијәнин Истанбул шәһәриндә Патриот системи илә әлагәдәр бир груп фәал етираз аксијасы кечириб.
Етиразчылар мүдафиә рокетләринин макетләрини парчалајараг вә НАТО бајрағыны јандырараг тәшкилата етиразларыны билдирибләр.
Диггәт: Хәбәрдән истифадә етдикдә мәнбәјә истинад лазымдыр
