Әһли Бејт -АБНА- хәбәр аҝентлијинин вердији хәбәрә әсасән Иран ислам Республикасынын Баниси, Имам Хомејни (ризвануллаһи тәала әлејһ) Америкасајағы Ислама белә тә`риф вериб: “Аристократ сајағы Ислам, Әбу Сүфјан Исламы, гүдрәт вә сәрвәт Исламы, алдатмаг, компромис вә әсарәтчилик Исламы, сәрмајә вә капиталистләрин мәзлумлара, ајагјалынлара һаким кәсилдији Ислам, бунларын һаммысы Америкасајағы Исламдыр”.
Бу нөв Исламда, динин батини вә һәгигәти унудулмуш, јалныз онун заһири вә үст габығы галмышдыр. Диҝәр ибарәтлә десәк әмәлләрин ҹаны, Илаһи бујуруглар вә дини ајинләр арадан ҝетмиш вә јалныз гәдим инсанларын ҝөрдүкләри әмәлләрә охшајан заһири бир шеј галмышдыр.
Бүтүн бунлар, модерн дүнјада јашајан инсанларын, варлығ аләми һаггында дүзҝүн дүшүнҹәјә саһиб олмамасындан ирәли ҝәлир.
Бу сәбәбдән дә дејә биләрик ки, һазыркы Ислам дүнјасындакы өлкә рәһбәрләринин әсас проблмләри, мәһз Дини тәлимләрдән јалныш нәтиҹәләр алмаларыдыр.
Ајдындыр ки, бир Мүсәлман шәхсин интеллектуал әсаслары (јәни: “Варлыг аләминдә ганун верә биләҹәк вә дүнјаны идарә едәҹәк гүввә јалныз Аллаһ Тәаладыр” бу фикир, Мүсәлман бир шәхсин тәрзи тәфәккүрү вә интеллектуал әсасларыдыр) һеч заман авропанын маддәпәрәст вә ултрамодернли инсанын тәрзи тәфәккүрү илә ујғун ҝәлә билмәз.
Бу ҝүн, авропа капиталистләри, мүхтәлиф халгларын мәдәнијјәт вә дәјәрләрини ваһид формаја ҝәтирмәкдән өтрү ҝөстәрдикләри сәјләр, бир нөв писхоложи мүһарибәдир. Авропалылар бүтүн инсан сивилизасијаларын руһну, гәрбин ирајә вердији ултрамодерн һәјатла ујғун ҝөстәрмәк нијјәтиндәдир.
Диггәт: Хәбәрдән истифадә етдикдә мәнбәјә истинад лазымдыр
