Әһли Бејт -АБНА- хәбәр аҝентлијинин вердији хәбәрә әсасән Әрәб Баһары илә аловланан Јахын Шәргдә сојуг мүһарибә санки јенидән јашаныр. Сурија сәрһәдинә јерләшдириләҹәк Патриот ракетләри, Русијанын “Һиперсоник” ракетләрин ҹаваб вермәси илә нәтиҹәләнди.
НАТО Түркијәјә мүдафиә мәгсәдли Патриот ракет системин ҝөндәрмәк гәрарын алдыгдан сонра, Русија Суријаја Искәндәр ракетләрин артыг ҝөндәрдијини ачыглајыб.
“Һиперсоник” (сәсдән сүрәтли) Мәрмиләр
Хариҹи аҝентликләрин вердији хәбәрләрә ҝөрә, Русија, Түркијәдән Сурија илә бөһраны арадан галдырмасын истәмишдир. Анҹаг, Түркијәнин НАТО-дан Патриот ракетләрини хаһиш етмәсиндән сонра, Русија Искәндәр ракетләринин илк партијасыны Суријаја ҝөндәриб. Гурудан-гуруја атылан Искәндәр ракетләри 'сәсдән сүрәтли' олмалары вә тәхминән 700 кг ағырлығындакы дөјүш башлығыны санијәдә ики километр сүрәтлә дашымаг гүдрәтинә малик олмасы илә таныныр.
Аҝентликләр Русија Донанмасына аид ҝәмиләрин Искәндәр ракетләрини Тартусда Суријаја тәслим етдијини билдириб.
Хариҹи КИВ-ри "Искәндәр ракетләри, Бәшәр Әсәд режиминин сабитлик вә тәһлүкәсизлији Русија үчүн гырымызы хәт олмасынын давам етдијини ҝөстәрир" дејә ачыглама верибләр.
Аҝентликләр билдирибләр ки, Русијанын атдығы бу аддымын јалныз Түркијәнин дејил Исраилин дә тәһлүкәсизлијини тәһдид едир вә бу өлкәләрин јенидән стратеҝија вә мүдафиә һесабларын апармасына вадар едир.
Масреҝһ аҝентлији даһа әввәл нәшр олунан јорумларда, Сурија мөвзусунда АБШ вә Исраили чох кәскин бир диллә хәбәрдар етмишди: “Москва, кечмишдә, АБШ-ын Полшада ракет мүдафиә системин јерләшдирәҹәји тәгдирдә, Калининҝрадда Искәндәр ракетләрин јерләшдирәҹәји илә тәһдид етмишдир”.
Диггәт: Хәбәрдән истифадә етдикдә мәнбәјә истинад лазымдыр
