Әһли Бејт -АБНА- хәбәр аҝентлијинин вердији хәбәрә әсасән Һилал Мәммәдовун Һүгугларыны Мүдафиә Комитәси јени јарадылмыш Азәрбајҹан Дөвләтчилији Наминә Демократик Талыш Бирлијинә (АДНДТБ) һүҹумларла бағлы етираз бәјанаты јајыб.
Сәнәддә јени јарадылан гурумун һаким “Јени Азәрбајҹан” Партијасы тәрәфиндән әсассыз тәнгидләрә мәруз галмасы писләнилир. ЈАП-ын бәјанатларынын нараһатлыг јаратдығы билдирилир. Азәрбајҹанын демократикләшмәси јөнүндә атылан бүтүн аддымларын комитә тәрәфиндән дәстәкләндији ифадә едилир. Комитә јени гурум әтрафында јарадылан ажиотажын мәнасыны анламадығыны вурғулајыр. Бирлијин Мәрамнамә вә Низамнамәсиндә дөвләтчилик әлејһинә һәр-һансы еһтимал белә олмадығы нәзәрә чатдырылыр. Јени гурума һаким партијанын һүҹумлары демократик инкишафын гаршысынын алынмасында, өлкәни авторитаризмә сүрүкләмәкдә мараглы олмағын сүбуту кими дәјәрләндирилир. Комитә АДНДТБ-јә басгылары писләмәклә јанашы, гурумун һәр ики тәсисчисинин мүдафиә комитәсинин үзвләри олдуғу дејилир. Һәм Елдәниз Гулијевин, һәм Меһдибәј Сәфәровун Азәрбајҹаны гурум әлејһинә популист бәјанатлар верәнләрдән һеч дә аз истәмәдикләри вурғуланыр. Сон олараг, мүәллифләр АДНДТБ-јә гаршы тәзјигләрә сон гојулмасыны тәләб едирләр.
Бәјанаты Һилал Мәммәдовун Һүгугларынын Мүдафиә Комитәсинин һәмсәдри, Һелсинки Вәтәндаш Ассамблејасынын Бакы нүмајәндәлијинин рәһбәри Арзу Абдуллајева вә Һилал Мәммәдовун Һүгугларынын Мүдафиә Комитәсинин һәмсәдри, “Толыши Сәдо” гәзетинин тәсисчиси Рафиг Ҹәлилов имзалајыб.
Диггәт: Хәбәрдән истифадә етдикдә мәнбәјә истинад лазымдыр
