Әһли Бејт -АБНА- хәбәр аҝентлијинин вердији хәбәрә әсасән Идонезијада Шиәләрин дуруму пис олараг галмагда давам едир. Белә ки, азғын вәһаби фиргәсинә бағлы олан индонезијалы террористләр, кечән ил Мәһһәрәм ајындан бәри, етник Шиәләрә гаршы зоракылыг ҝөстәрәрәк, Имам Һүсејнин (әлејһис сәлам) әзадарлығ мәрасимин кечиртмәјә манеәчилик төрәдмишләр. Азғын вәһабиләр, Шиәләрин евләрини, Мәсҹидләрини јандырараг, ҝүнаһсыз инсанлары шәһид етмиш вә өз јурд-јуваларындан говмушлар.
Алдығымыз мәлыумата ҝөрә, бу ил Индонезија Шиәләри даһа да аҹынаҹаглы бир вәзијјәти јашајырлар. Рәсми дөвләт структурлары тәрәфиндән Шиәләрә гаршы тәзјигләр артыб вә Әһли-Бејт (әлејһимус сәлам) мәктәбинин давамчыларына су вә гида мәһсулларын верилмәсинин гаршысы алыныбдыр.
Һал-һазырда Индонезијада Шиәләрин дурумунун чох пис олмасы елә бир китик һәддә чатыб ки, артыг “Бејнәлхалг Amnesty International” Тәшкилаты Индонезија дөвләти тәрәфиндән Әһли-Бејт (әлејһимус сәлам) мәктәбинин давамчыларына гаршы јүрүдүлән анти-бәшәрә сијасәтләри мәһкум етмишдир.
“Бејнәлхалг Amnesty International” Тәшкилатынын бу барәдә јајымладығы бәјанатда дејилир: “Индонезијанын Тәһлүкәсизлик Гүввәләри, өлкәнин Шәргиндә өз јурд-јуваларындан дидәрҝин дүшмүш Шиәләрин үзәринә һәр һансы ичмәли су вә јејинти мәһсулларынын чатдырылмасынын гаршысын алмышлар. Дөвләт тәһлүкәсизлик гүввәләри бу минванла, 190 Шиәнин -бунларын 69-зу гадын, 61-и исә ушагдыр- һәјатыны тәһлүкә алтына атмыш олур.”
“Бејнәлхалг Amnesty International” Тәшкилатынын јајымладығы бәјанатда даһа сонра дејилир: “Шәрги Ҹаве әјаләтинин Мадура адасында јашајан Шиәләр бундан өнҹә дә тәзјигләр илә үзләшмишләр. 29 сентјабр 2012 тарихдә, бир дәстә гулдур Шиәләрин евләрини јандырмыш, Мәсҹидләрини виран етмиш вә орта мәктәбләрини дағытмышдыр. Тә`сүфлә гејд етмәлијик ки, төрәдилмиш бүтүн бу вәһшиликләрә бахмајараг, рәсми дөвләт, садәҹә бир нәфәри һәбс едәрәк барәсиндә јалныз 3 ајлыг һәбс гәти гәрарыны вермишдир...”.
Даһа ҝениш мәлумат әлдә етмәк үчүн бу линки тыклајын:
Индонезијада сәләфиләр Шиәләрин евләрин јандырды + ФОТО
Диггәт: Хәбәрдән истифадә етдикдә мәнбәјә истинад лазымдыр
