Әһли Бејт -АБНА- хәбәр аҝентлијинин вердији хәбәрә әсасән “Мәлум олдуғу кими, мән 2011-ҹи илин март ајындан Азәрбајҹан Ислам Партијасынын тәшкилат мәсәләләри үзрә сәдр мүавини вәзифәсиндә чалышмышам. Гыса заман кәсијиндә үзәримә дүшән вәзифәјә ујғун олараг аз иш ҝөрмәмишәм. Мәлум һадисә- һәбсимлә әлагәдар ишими давам етдирә билмәмишәм.
Бир илдән артыгдыр ки, мәһбус һәјаты јашајырам. Һәбсдә олдуғум вахт, јәни нојабрын 3-дә гурумун Баш Мәҹлисиндә гәбул олунан гәрара әсасән АИП-ин тәшкилат шөбәсинә, јәни кадрын тәгдиматы кечирилмишдир. Бунунла бағлы иҹтимаијјәтдә бир сыра сөз-сөһбәтләрин јаранмасы вә јајылмасы достларда нараһатчылыг доғурдуғундан бәзи ачыгламалар вермәк зәрурәти јаранмышдыр. Белә ки, јеримә јени кадрын тәјинаты заманы, ҝуја мәним мөвгејим партијада нәзәрә алынмајыб. Әслиндә бу һәллиндән бәлкә дә 10-15 ҝүн өнҹә мәнә конкрет фикир билдирмәк үчүн партијанын сәдр әвәзи Е. Манафов мәсәләнин мүраҹиәт етмишди. Мән дә гурумун тәшкилат шөбәсинин ишинин чохлуғуну вә мәним мәлум сәбәбә ҝөрә бундан кәнарда галмағым, әсасән дә сәһһәтимдә јаранмыш бәзи проблемләрин сијаси фәалијјәтими давам етдирмәјә имкан вермәдијини, азадлыға чыхдыгдан сонра мүәјјән мүддәт ҹидди мүалиҹәјә зәрурәт јарандығыны нәзәрә алыб, партијанын тәшкилат шөбәсиндән көнүллү истефа вермәк барәдә фикрими ачыгламышдым.
Партијанын дахили мәсәләси олдуғундан бу ачыгламаны вахтилә ҝениш иҹтимаијјәтә чатдырылмамасы ҝөрүндүјү кими бәзи негатив фикирләрин мејдана чыхмасына сәбәб олмушдур. Она ҝөрә дә нараһатчылыг кечирән гардашлара әввәла тәшәккүр едирәм, АИП рәһбәрлијинә, бүтүн иҹра апаратына уғурлар диләјир, Әһли-Бејт(ә)-ин матәм ајында онлара сәбр вә тәмкин диләјирәм.
Диггәт: Хәбәрдән истифадә етдикдә мәнбәјә истинад лазымдыр
