Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасы хариҹи ишләр назири Әли Әкбәр Салеһи суријалы һәмкары Валид Мүәллимлә телефон данышығы заманы билдириб: “Иран Ислам Республикасы Суријада атәшкәсин елан едилмәсини алгышлајыр”.
Валид Мүәллими Гурбан бајрамы мүнасибәтилә тәбрик едән Салеһи, Сурија һөкумәт гүввәләринин атәшкәс елан етмәсини мүсбәт аддым адландырыб.
О, гаршы тәрәфин дә бу истигамәтдә ҹаваб аддымы атаҹағына үмидвар олдуғуну сөзләринә әлавә едиб.
Иран Ислам Республикасынын хариҹи ишләр назири даһа сонра дејиб: “Үмид едирәм ки, мүхалифәт гүввәләри дә атәши тамамилә дајандыраҹаг вә бу, Суријада сүлһүн тәмин едилмәси үчүн јахшы зәмин јарадаҹаг”.
Валид Мүәллим исә, өз нөвбәсиндә, Сурија бөһранынын сүлһ јолу илә һәлл едилмәсиндә ҝөстәрдији сәмими дәстәјә ҝөрә Иран тәрәфинә миннәтдарлығыны билдириб.
Диггәт: Хәбәрдән истифадә етдикдә мәнбәјә истинад лазымдыр
