Әһли Бејт -АБНА- хәбәр аҝентлијинин вердији хәбәрә әсасән Ишҝәнҹәләр Әлејһинә Азәрбајҹан Комитәсинин сәдри, һүгуг мүдафиәчиси Елчин Беһбудов октјабрын 5-дә Тәһсил Назирлијинин гаршысында “Һиҹаба азадлыг!” шүары алтында кечирилән ганунсуз аксија заманы полис тәрәфиндән сахланылан диндарларын һүгугларыны мүдафиә едәҹәк.
Һүгуг мүдафиәчиси Е.Беһбудов билдириб ки, о, бу мәсәлә илә јахындан марагланаҹаг.
Мәктәбләрдә һиҹаба гојулан гадағаларын елејһинә олдуғуну диггәтә чатдыран Е.Беһбудов дејиб ки, Азәрбајҹан мүсәлман дөвләти олдуғу үчүн өлкәдә гадынлара бүтүн јерләрдә һиҹаб ҝејинмәк азадлығы верилмәлидир.
Онун фикринҹә, бу, даһа әдаләтли аддым оларды. Чүнки, Шәрглә Гәрбин говушағында јерләшән Азәрбајҹан өзүнү Ислам сивилизасијасынын бир һиссәси һесаб едир вә бу кими мәгамлара да диггәт етмәси ваҹибдир.
Е.Беһбудов дејиб: “Фикримҹә, Азәрбајҹанда һиҹаб нәјәсә әнҝәл јаратмыр. Истәнилән шәхс һиҹаб таха вә ја тахмаја биләр. Бу мәсәләјә дөвләт гарышмамалыдыр. Һиҹабын өлкәјә һәр һансы зијаны јохдур”.
Диггәт: Хәбәрдән истифадә етдикдә мәнбәјә истинад лазымдыр
