Әһли Бејт -АБНА- хәбәр аҝентлијинин вердији хәбәрә әсасән Азәрбајҹанда әлијевләр режиминин јүрүтдүјү анти-Ислам сијасәтләрә етиразлар давам едир.
Бу ҝүн 5 сентјабр 2012 тарихдә Азәрбајҹанда орта мәктәбләрдә һиҹаб гадағасына етираз әламәти олараг Тәһсил Назирлији гаршысында аксија кечирилиб. Аксија заманы 200-дән чох инанҹлы "Һиҹаба Азадлыг", "Мисир Кафир", Һиҹабы ганымызла мүдафиә едәҹәјик" вә башга шүарлар сәсләндирилиб.
Һиҹаб гадағасына етираз едән диндарларла Тәһсил Назирлијинин гаршысында аксија кечирмәјә имкан вермәјән полисләр арасында гаршыдурма јашаныб. Полислә гаршыдурмада диндарлар әлләриндә плакатларын тахталары илә мүдафиә олунублар. Һәр ики тәрәфдән мүхатәлиф нөв бәдән хәсарәтләри аланлар олуб.
Аксија иштиракчыларыны дағытмаг үчүн әразијә Нәриманов Рајон Полис Идарәсинин әмәкдашлары, Дөвләт Јол Полисинин әмәкдашлары, о ҹүмләдән Дахили Ишләр Назирлијинин Чевик Полис Алајы ҹәлб олунуб.
Аксијада иштирак едән диндарлардан тәхминән 70 нәфәр һәбс олунуб. Һәбс едиләнләр Нәриманов Рајон Полис Идарәсинин бөлмәләринә апарылыб.
Видео линк: - www.youtube.com/watch - - www.youtube.com/watch
