Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Хариҹи Ишләр Назиринин мүавини Аббас Әрагчи рәсми Теһранын Гарабағла бағлы мөвгејиндә һәр һансы дәјишиклик олмадығыны бәјан едиб.
Сентјабрын 17-дә журналистләрлә ҝөрүшүндә Аббас Әрагчијә Иран Ислам Республикасынын Гарабағ мәсәләсиндә мөвгејинин дәјишиб-дәјишмәдији һагда суал верилиб. Суал верән журналист билдириб ки, сон вахтлар Азәрбајҹан медиасында ИИР-ын Гарабағ проблеми илә бағлы мөвгејинин дәјишдији һагда хәбәрләр јајылыр, бу хәбәрләр нә дәрәҹәдә доғрудур?
Назир мүавини суалы белә ҹавабландырыб: “Иран Ислам Республикасынын Гарабағла бағлы мөвгеји дәјишмәјиб. Биз әввәлләр дә олдуғу кими һесаб едирик ки, мүнагишә тәрәфләри арасындакы бу ихтилаф, проблем динҹ данышыглар јолу илә һәлл олунмалыдыр. Бејнәлхалг сәвијјәдә танынмыш бир сыра үсуллар вар. Ҝүман едирик ки, тәрәфләр арасындакы ихтилафы динҹ јолларла арадан галдырмаг үчүн мүзакирәләр һәмин үсуллара ујғун апарылмалыдыр”.
Диггәт: Хәбәрдән истифадә етдијдә мәнбәјә истинад лазымдыр
