Әһли Бејт -АБНА- хәбәр аҝентлијинин вердији хәбәрә әсасән АБШ-ын Азәрбајҹандакы јени сәфири Ричард Морнингстарын сентјабр ајынын 3-дә сабиг президент Һејдәр Әлијевин абидәсини зијарәт етмәси мүбаһисәјә сәбәб олуб. Белә ки, бәзи инсанлар сосиал шәбәкәләрдә јајылан фотода онун абидә гаршысында баш әјмәсинин әкс олундуғуну билдирир. Американын Сәсинин мәлуматына ҝөрә, дүнән, сентјабрын 4-дә Дөвләт Департаментинин әнәнәви ҝүндәлик брифинги заманы Департментин нүмајәндәси Патрик Вентреллә журналистләрдән бири мөвзу илә бағлы суал вериб. Суал-ҹаваб мәтнини олдуғу кими тәгдим едирик:
Суал: “Патрик, АБШ-ын Азәрбајҹандакы јени сәфири Ричард Морнингстарын медиада долашан фотосу барәдә шәрһ верә биләрсинизми? Фото сәфири Бакыда Азәрбајҹанын сабиг президенти Һејдәр Әлијевин абидәси өнүндә баш әјәркән ҝөстәрир. Белә бир аддымы атмағы она Дөвләт Департаменти мәсләһәт ҝөрүб?”
Патрик Вентрелл: “Азәрбајҹандакы сәфирликлә данышмышам вә бизим анладығымыз беләдир ки, о, јалныз ҝүл гојур вә бу, етимаднамәсини гәбул едән бүтүн сәфирләр үчүн стандарт практикадыр. Белә ки, мән дүшүнүрәм онлар…”
Суал: “Азәрбајҹанда стандарт практика?”
Ҹаваб: “Орада, о өлкәдә стандарт практика. Вә бизим анладығымыз одур ки, орада баш әјмә олмајыб; о, садәҹә ҝүл гојуб вә бу аддым онун сәләфләри тәрәфиндән дә атылыб”.
Диггәт: Хәбәрдән истифадә етдијдә мәнбәјә истинад лазымдыр
