Әһли Бејт -АБНА- хәбәр аҝентлијинин вердији хәбәрә әсасән Рамил Сәфәровун Азәрбајҹана екстрадисија олунараг әфв олунмасынын Ермәнистанда наразылыгла гаршыланмасы нә гәдәр ҝөзләнилән олса да, бир сыра гәрб өлкәләринин, хүсусилә дә Бирләшмиш Штатларын бу мәсәләјә етираз етмәси Бакыда тәәҹҹүблә гаршыланыб. Мәсәлә бурасындадыр ки, елә һәмин гәрб өлкәләри чохлу сајда өмүрлүк һәбс ҹәзасына мәһкум олунмуш, өзү дә террорчу олан ермәниләри әфв едиб, онлары һәтта Ермәнистана тәһвил верибләр.
2001-ҹи илин апрелиндә Франса 17 ил һәбсдән сонра өмүрлүк һәбс ҹәзасына мәһкум олунмуш Варужан Карапетјан адлы террорчуну Ермәнистана тәһвил верәркән, онун тәјјарәси Ирәвана енмәмиш Роберт Көчәрјан онун әфв едилмәси һагда фәрман имзалады, ону гәһрәман кими гаршыладылар вә о, һәтта мүкафатландырылды. Бахмајараг ки, Карапетјан, башгаларыјла бирҝә 1984-ҹү илдә Парисин Орли һава лиманында партлајыш төрәдәрәк сәккиз адамын, о ҹүмләдән, 4 франсызын өлүмүнүн сәбәбкары иди. О, һеч вахт Ермәнистан вәтәндашы олмамышды вә Рамил Сәфәровдан фәргли олараг, ачыг-ајдын террорчу иди. 11 ил әввәл Ермәнистанын бу һәрәкәтинә нә Америка, нә дә диҝәр дүнја өлкәси мүнасибәт ифадә етмәди, тәдбир ҝөрмәди.
Бу факта башга ермәни террорчуларыны да әлавә етмәк олар. Белә ки, 1984-ҹү илдә АБШ, турк дипломатларыны гәтлә јетирәрәк өмүрлүк һәбс ҹәзасы алмыш террорчу Гурген Јаникјаны азадлыға бурахды. 1989-ҹу илдә исә Франса Парисдәки Турк Консуллуғуна һүҹуму тәшкил етмиш Малко Мелконјаны азад етди. Һансы ки, онун рәһбәрлик етдији һүҹум нәтиҹәсиндә бир түрк дипломаты јараланмыш, бири исә өлдүрүлмүшдү.
Адлары сијаһыда олан ермәниләр террор төрәтсәләр дә, онлар азадлыға бурахылыблар. Амма бу сијаһыдакылардан фәргли олараг, Азәрбајҹан забити Рамил Сәфәровун террор дејил, гәтл төрәтдији Маҹарыстан мәһкәмәси тәрәфиндән билдирилмишди вә о, һүгуги проседурлар чәрчивәсиндә Маҹарыстандан Азәрбајҹана екстрадисија олунуб.
P.S: Инди ҝөрәсән Азәрбајҹан рәсмиләри нәдәрҹәдә гәрб вә сионистләрин бу өлкә илә дүшмән олдугларынын шаһиди олдулармы?
Диггәт: Хәбәрдән истифадә етдијдә мәнбәјә истинад лазымдыр
