Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Хариҹи Ишләр Назиринин Мүавини Сејид Аббас Аракчынын башчылыг етдији нүмајәндә һејәти дүнән Азәрбајҹанын Хариҹи Ишләр Назирлији илә ҝөрүшүб.
Сәмими кечән ҝөрүшдә Сејид Аракчы Ислам Республикасынын Азәрбајҹанла мүнасибәтләрә бөјүк өнәм вердијини, Теһранын Азәрбајҹанын мүстәгиллијинә, суверенлијинә вә әрази бүтөвлүјүнә һөрмәтлә јанашдығыны билдириб.
Ҝөрүш заманы Азәрбајҹан тәрәфи ХИН-ин мүавини Х.Хәләфов ИИР-да баш вермиш тәбии фәлакәтлә бағлы Азәрбајҹан халгынын кәдәрләндијини сөјләјиб.
Иран Ислам Республикасынын Хариҹи Ишләр Назиринин мүавини Сејид Аракчы да Азәрбајҹанда олмасындан мәмнунлугла ифадә едәрәк, ИИР-да баш вермиш зәлзәлә илә бағлы Азәрбајҹан тәрәфинә һуманитар јардыма ҝөрә миннәтдарлығыны билдириб.
Даһа сонра С.Аракчы Иран Ислам Республикасынын Азәрбајҹанла мүнасибәтләринин инкишаф етдирилмәсиндә мараглы олдуғуну сөјләјиб вә ИИР-ын даим Азәрбајҹан дөвләтинин әрази бүтөвлүјүнү дәстәкләдијини, Ермәнистаны тәҹавүзкар өлкә кими гәбул етдикләрини билдириб.
Диггәт: Хәбәрдән истифадә етдикдә мәнбәјә истинад лазымдыр
