Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Ислам Шурасы Мәҹлисиндә (Парламентиндә) ИИР Хариҹи Ишләр Назири Әли Әкбәр Салеһи билдириб: “Шимали Кореја лидери Ким Чен Ын Гошулмама Һәрәкатынын Теһранда кечириләҹәк XVI саммитиндә иштирак едәҹәк”.
Журналистләрин "Саммитдә Шимали корејаны ким тәмсил едәҹәк?" суалыны ҹавабландыран Иран Ислам Республикасынын ХИН рәһбәри билдириб: "Мәндә олан мәлумата әсасән, саммитә Шимали Кореја лидеринин рәһбәрлик етдији нүмајәндә һејәти ҝәлмәлидир".
О, һәмчинин Мисир Президенти Мәһәммәд Мурсинин Теһрана сәфәр едәҹәјини тәсдигләјиб.
Гејд едәк ки, бу ҝүнәдәк Шимали Кореја лидеринин сәфәри барәдә мәтбуатда ән зиддијјәтли мәлуматлар јајылыб.
Диггәт: Хәбәрдән истифадә етдикдә мәнбәјә истинад лазымдыр
