Әһли Бејт -АБНА- хәбәр аҝентлијинин вердији хәбәрә әсасән Иран Ислам Республиксы “Милли Мүдафиә Сәнајеси Ҝүнү”ндә 6 јени мүдафиә техникасыны тәгдим едиб.
Белә ки, Милли Мүдафиә Сәнајеси ҝүнүндә јениләнмиш дөрдүнҹү нәсил "Фатеһ" 1Д-110 ракети, "Армита" учан лабораторија, "Бонјан 4" дәниз мүһәррикләри, "Арас" тактики автомобил, "Вәфа" тәкмилләшдирилмиш атыш гурғусу вә "Шаһид" рабитә вә радар системи нүмајиш етдирилиб.
Дүнән кечирилән тәдбирә президент Маһмуд Әһмәдинежад, Мүдафиә Назири Ҝенерал Әһмәд Ваһиди, Рабитә вә Информасија Технолоҝијалары Назири Рза Тағыпур да гатылыб.
Әһмәд Ваһиди билдириб ки, "Фатеһ" 1Д-110 ракети сон он илдә Иран Ислам Республикасынын мүдафиә сәнајесинин ән бөјүк уғурудур: "Бу ракет бәрк јанаҹагла ишләјән вә һәдәфи ән дәгиг шәкилдә вуран мүасир јер-јер типли баллистик ракетдир вә ИИР-ын мүдафиә ҝүҹүндә ән мүһүм јер тутур."
Тәдбирдә билдирилиб ки, Ислам Республикасынын мүдафиә ҝүҹү һеч бир өлкәјә, хүсусилә гоншуларына тәһлүкә төрәтмир вә мүдафиә доктринасында да өз әксини тапыб.
Диггәт: Хәбәрдән истифадә етдикдә мәнбәјә истинад лазымдыр
