Әһли Бејт -АБНА- хәбәр аҝентлијинин вердији хәбәрә әсасән Шәнбә ҝүнү Мисир-Исраил газ кәмәри силаһлылар тәрәфиндән партладылыб. Өтән илин феврал ајындан бу ҝүнәдәк ујғун газ кәмәри 15 дәфә һүҹума мәруз галыб.
"Әл-Јәвм әс-сабе" хәбәр аҝентлији билдирир ки, Мисир Тәһлүкәсизлик Назирлијинә бағлы мәнбә шәнбә ҝүнү ахшам саатларында бир груп силаһлынын Сина јарымадасындан кечән Мисир-Исраил газ кәмәринин партлатдығыны хәбәр вериб.
Бу партлајыш өтән илин феврал ајындан бу ҝүнәдәк ујғун газ кәмәриндә һәјата кечирилмиш 15-ҹи партлајышдыр. Сина јарымадасындан кечән бу газ кәмәри васитәси илә Мисир газы ишғал олунмуш әразиләр вә Иорданијаја өтүрүлүр.
Газ кәмәринин партладылмасы нәтиҹәсиндә алов шөләләринин 15 метрә гәдәр јүксәлдији хәбәр верилир. Ујғун һадисә нәтиҹәсиндә бу дәгигәјәдәк ҹан тәлафатынын олмадығы еһтимал едилир.
Һәлә ки, һеч бир груплашма партлајышын мәсулијјәтини өз үзәринә ҝөтүрмәјиб.
Диггәт: Хәбәрдән истифадә етдикдә мәнбәјә истинад лазымдыр
