Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Силаһлы Гүввәләринин Бирләшмиш Гәрарҝаһлар Комитәсинин рәһбәри, бригада ҝенералы Мәсуд Ҹәзаери журналистләрә вердији ачыгламасында билдириб: “Суријадакы һазыркы вәзијјәт рәсми Дәмәшгин вә мүгавимәт һәрәкатынын АБШ вә мүттәфигләрини мәғлубијјәтә уғратмасыны ҝөстәрир”.
Мәсуд Ҹәзаери ачыгламасынын давамында дејиб: “Бу ҝүн там дәгиг демәк олар ки, АБШ-ын Суријада дөвләт чеврилиши һәјата кечирмәк планлары ифласа уғрајыб”.
О, антисионист мүгавимәтинин рәсми Теһран үчүн данышыглар мөвзусу олмадығыны билдириб.
Бригада ҝенералынын сөзләринә ҝөрә, мүгавимәт һәрәкаты дүшмәнләрин фитнәләринә таб ҝәтирмәк вә онлара ағыр зәрбә ендирмәк үчүн кифајәт гәдәр ҝүҹләниб.
Мәсуд Ҹәзаери Сурија дүшмәнләринин һәрби јолла вә террор фәалијјәти васитәсилә өз мәгсәдләринә чатмаг истәдикләрини, лакин бу һәрәкәтләрин јалныз динҹ сакинләрин һәјатына сон гојдуғуну вурғулајыб.
Диггәт: Хәбәрдән истифадә етдикдә мәнбәјә истинад лазымдыр
